ஒரு உயிரின் மதிப்பு ரூ. 14.12 லட்சம் தானா?
நெல்லை மாவட்டம் மூன்றடைப்பு அடுத்த வாகைகுளத்தை சேர்ந்தவர் முத்துமனோ. விசாரணை கைதியான இவர் கடந்த ஏப்ரல் 22-ஆம் தேதி பாளையங்கோட்டை மத்திய சிறையில் அடைக்கப்பட்டார்.
அப்போது சக கைதிகள் அவரை அடித்து படுகொலை செய்தனர். இந்த சம்பவத்தை கண்டித்து அவரது உறவினர்கள் 72 நாட்கள் தொடர் போராட்டத்தில் ஈடுபட்டு வந்தனர்.
இந்நிலையில் ஜூலை 2 ஆம் தேதிக்குள் மறைந்த முத்து மனோவின் உடலை அவரது உறவினர்கள் பெற்று செல்ல வேண்டும் என மதுரை உயர்நீதிமன்ற கிளை அறிவுறுத்தியதையடுத்து அவரது உடல் நேற்று உறவினர்களிடம் ஒப்படைக்கப்பட்டது,
இதனையடுத்து வண்ணார்பேட்டை விருந்தினர் மாளிகையில் முத்துமனோவின் உறவினர்களிடம் தமிழக அரசு சார்பில் 10 லட்சம் இழப்பீட்டுக்கான காசோலையை சட்டம் - சிறைத் துறை அமைச்சர் ரகுபதி, தமிழக சட்டப்பேரவை தலைவர் அப்பாவு, மாவட்ட ஆட்சியர் விஷ்ணு ஆகியோர் வழங்கினர். மேலும் வன்கொடுமை தடுப்பு சட்டத்தின்கீழ் 4.12 லட்சமும் உறவினர்களிடம் வழங்கப்பட்டது.
இதுதொடர்பாக சட்டத் துறை அமைச்சர் ரகுபதி செய்தியாளர்களிடம் கூறும்போது, "முத்து மனோ உயிரிழப்பு சம்பவம் திமுக ஆட்சிக்கு முன்னால் நடைபெற்றது. இந்த சம்பவம் தொடர்பாக உரிய விசாரணை நடத்தி குற்றவாளிகள் மீது விரைந்து நடவடிக்கை எடுக்கப்படும்.
உயிரிழந்த முத்து மனோ குடும்பத்துக்கு முதல்வர் சார்பில் ஆழ்ந்த இரங்கலை தெரிவித்து கொள்கிறோம்" என்று அமைச்சர் தெரிவித்தார்
No comments:
Post a Comment