அவங்க ஆட்சியில ஒரு யூனிட் கரன்ட் கூட உற்பத்தி இல்லை... அதிமுகவை திட்டும் அமைச்சர்!

அவங்க ஆட்சியில ஒரு யூனிட் கரன்ட் கூட உற்பத்தி இல்லை... அதிமுகவை திட்டும் அமைச்சர்!

நெல்லை மண்டலத்திற்கு உட்பட்ட நெல்லை, தென்காசி , தூத்துக்குடி, கன்னியாகுமரி, மற்றும் விருதுநகர் மாவட்டங்களில் மின்சார விநியோகம், மின்சார துறையின் மூலம் நடந்து வரும் பராமரிப்பு பணிகள் குறித்த ஆய்வுக் கூட்டம் பாளையங்கோட்டை கேடிசி நகரில் உள்ள தனியார் திருமண மகாலில் சட்டப்பேரவை தலைவர் அப்பாவு தலைமையில் இன்று நடைபெற்றது.

கூட்டத்தில் அமைச்சர்கள் தங்கம்தென்னரசு, கீதாஜீவன், அனிதா ஆர்.ராதாகிருஷ்ணன் , மனோதங்கராஜ், கன்னியாகுமரி பாராளுமன்ற உறுப்பினர் விஜய் வசந்த்.சட்டமன்ற உறுப்பினர்கள் ராஜேஷ், பழனி நாடார். மின்வாரிய தலைவர் ராஜேஸ்லக்கானி, மாவட்ட ஆட்சியர் விஷ்ணு உள்ளிட்டோர் கலந்து கொண்டனர். அதிகாரிகள் கலந்து கொண்டனர் .

கூட்டத்தில் அமைச்சர் செந்தில் பாலாஜி பேசியது:

தமிழக மின் வாரியம் 1.5 லட்சம் கோடி ரூபாய் கடனில் சிக்கி தவித்து வருகிறது. வருடத்திற்கு 15 ஆயிரம் கோடி கடன் கட்டபட்டு வருகிறது. கடந்த 10 ஆண்டுகளில் மின்சார உற்பத்திக்கு புதிய திட்டங்கள் எதும் கொண்டுவரப்படவில்லை. குறிப்பாக கடந்த ஆட்சியில் ஒரு யூனிட் மின்சாரம் கூட உற்பத்தி செய்யப்படவில்லை.

திமுக ஆட்சியில் மின்சாரம் தனியாரிடம் ₹ 3.58 கொடுத்து வாங்கப்பட்டது. அதிமுக ஆட்சியில் ₹5 ரூபாய் கொடுத்து வாங்கியது மட்டுமல்லாது ஒப்பந்தமிட்டு 7 முதல் 8 ருபாய் வரை பெற்று மின்வாரியம் கடனுக்கு தள்ளபட்டுள்ளது.

ஒன்பது மாதமாக மின் பராமரிப்பு செய்யவில்லை என சட்டமன்றத்தில் கேட்டதற்கு அதிமுக தரப்பில் எந்த பதிலும் இல்லை. கடந்த 9 மாதங்களாக செய்யாத பரமரிப்பு பணிகளை கடந்த 10 நாட்களில் திட்டமிட்ட இலக்கை விட கூடுதலாக 45 ஆயிரம் பணிகள் செய்யப்பட்டுள்ளன.

ஆண்டுதோறும் முதல்வரின் சிறப்பு அனுமதியை பெற்று அனைத்து வகை அதிகாரிகளுக்கும் மின் ஆளுமை விருது வழங்க நடவடிக்கை எடுக்கப்டும்.