தமிழக மக்களுக்கு சூப்பரான பொங்கல் பரிசு; அமைச்சரின் சர்ப்ரைஸ் அறிவிப்பு!
ஈரோடு மாவட்டம் பவானியில் தமிழ்நாடு நூல் பதனிடும் ஆலை, கைத்தறி மற்றும் துணி நூல் துறை கிடங்கு ஆகியவற்றை தமிழக கைத்தறி மற்றும் துணிநூல் துறை அமைச்சர் ஆர்.காந்தி, வீட்டுவசதித்துறை அமைச்சர் சு.முத்துசாமி ஆகியோர் பார்வையிட்டனர். அப்போது கிடங்கில் வைக்கப்பட்டிருந்த சீருடை துணிகள் தரமானதாக இருக்கிறதா? என்பதை ஆய்வு செய்ய சில மாதிரிகளை எடுத்து பரிசோதனை கூடத்திற்கு அமைச்சர் ஆர்.காந்தி அனுப்பி வைத்தார்.
இதற்கான நடவடிக்கைகளை அருகிலிருந்த அதிகாரிகள் மேற்கொண்டனர். பின்னர் நெசவாளர் கூட்டுறவு சங்கங்கள் மூலம் உற்பத்தி செய்யப்பட்ட துணிகளை அவர் பார்வையிட்டு ஆய்வு செய்தார். அப்போது அதிகாரிகளுக்கு அறிவுரை கூறிய அமைச்சர் ஆர்.காந்தி, தமிழகத்தில் பொங்கல் பண்டிகையை ஒட்டி ரேஷன் கடைகள் மூலம் பொதுமக்களுக்கு இலவச வேட்டி, சேலை வழக்கப்பட்டு வருகிறது.
இவை மிகவும் தரமாக வழங்கப்பட வேண்டும். புதிய ரக உற்பத்திகாக வழிமுறைகள் உருவாக்கப்பட்டுள்ளன. அதன்படி, வேட்டி, சேலைகள் உற்பத்தி செய்ய வேண்டும். வரும் பொங்கலுக்கு புதிய தரத்தில், சிறந்த வடிவில் வேட்டி, சேலைகள் வழங்க நடவடிக்கை எடுக்கப்படும் என்றார். மேலும் பேசுகையில், தமிழக அரசுப் பள்ளிகளில் பயிலும் மாணவ, மாணவிகளுக்கு வழங்கப்படும் உடைகள் இனிமேல் மிகுந்த தரத்துடன் உற்பத்தி செய்ய வேண்டும்.
No comments:
Post a Comment