ஹெச்.ராஜா தோல்விக்கு அவர் மருமகன் காரணமாம்: நீக்கப்பட்ட நிர்வாகிகள் வாக்குமூலம்!
ஹெச்.ராஜா மீது குற்றச்சாட்டுகளை வைத்த நிர்வாகிகள் கட்சியிலிருந்து நீக்கப்பட்ட நிலையில் செய்தியாளர்களைச் சந்தித்தனர்.
சட்டமன்றத் தேர்தலில் தனது தோல்விக்கு சில பாஜக நிர்வாகிகள்தான் காரணம் என ஹெச்.ராஜா கொளுத்திப் போட காரைக்குடி பாஜக நிர்வாகிகள் அதிர்ச்சிக்குள்ளாகினர். இதையடுத்து, காரைக்குடி பாஜக நிர்வாகிகள் சிலர் ஒட்டுமொத்தமாக ராஜினாமா செய்வதாக அறிவித்தனர்.
தேர்தல் செலவுக்காக வழங்கப்பட்ட பணத்தை ஹெச்.ராஜா சரியாக செலவழிக்கவில்லை என்றும், பூத் கமிட்டிக்கு கூட அவர் சரியாக செலவிடவில்லை என்றும் அந்த நிர்வாகிகள் தெரிவித்தனர். தேர்தல் செலவுக்காக வழங்கப்பட்ட பணத்தை ஹெச்.ராஜா சுருட்டிவிட்டதாகவும், சுப்பிரமணியபுரத்தில் 4 கோடி ரூபாய் மதிப்பில் வீடு கட்டி வருவதாகவும், எருமைப்பட்டி தோட்டத்தில் பண்ணை வீடு கட்டுமானப் பணிகள் நடப்பதாகவும் தெரிவித்தனர்.
No comments:
Post a Comment