கோவை, சேலத்தில் ரோட்டில் சரக்கு டான்ஸ்களுக்கு இனி பஞ்சமில்லை!

கோவை, சேலத்தில் ரோட்டில் சரக்கு டான்ஸ்களுக்கு இனி பஞ்சமில்லை!

தலைமைச் செயலகத்தில், மருத்துவ நிபுணர்கள் குழு மற்றும் அதிகாரிகள் பங்கேற்ற ஆலோசனைக் கூட்டத்தில் ஊரடங்கை நீட்டிப்பது, புதிய தளர்வுகளை அறிவிப்பது, நோயை முழுமையாகக் கட்டுப்படுத்துவது குறித்து தமிழ்நாடு முதலமைச்சர் முக ஸ்டாலின் ஆலோசனை மேற்கொண்டார். குறிப்பாக, மூன்றாவது அலையை எதிர்கொள்ள மேற்கொள்ள வேண்டிய நடவடிக்கைகள் குறித்து விவாதிக்கப்பட்டது.

இதையடுத்து தீவிர கட்டுப்பாட்டில் வைக்கப்பட்டிருந்த மாவட்டங்களில் தேநீர்க் கடைகளுக்கும் பார்சல் முறையில் அனுமதி வழங்கப்பட்டுள்ளது.

அதன்படி கோவை உள்ளிட்ட11 மாவட்டங்களில் கூடுதல் தளர்வுகள் அறிவிக்கப்பட்டுள்ளது. அதேவேளை ஜூலை 12ஆம் தேதி காலை 6 மணி வரை ஊரடங்கு தமிழ்நாட்டில் நீட்டித்து, அனைத்து மாவட்டங்களுக்கும் சீரான தளர்வுகளை வழங்கியுள்ளது.

தற்போது அறிவிக்கப்பட்டுள்ள தளர்வுகளில் கோவை, சேலம் மாவட்டங்களில் தேநீர்க் கடைகளைத் திறக்கவும், 50% வாடிக்கையாளர்கள் மட்டும் அமர்ந்து தேநீர் அருந்தவும்,

டாஸ்மாக் கடைகளைக் காலை காலை 10 மணி முதல் மாலை 8 மணி வரை திறக்கவும் அனுமதிக்க வழங்கப்பட்டுள்ளது.

அதேபோல் மேற்கண்ட 11 மாவட்டங்கள் உட்பட மாநிலம் முழுக்க பொது பேருந்து போக்குவரத்து சேவைக்கு 50 சதவீத இருக்கைகளில் மட்டும் பயணிகள் அமர்ந்து பயணிக்க அரசு அனுமதி அளித்துள்ளது.