முதல்வர் மு.க.ஸ்டாலினுடன் மேடையில் இருந்த பெண்ணுக்கு கொரோனா!
தேசிய மருத்துவர் தினத்தை முன்னிட்டு டாக்டர் எம்ஜிஆர் மருத்துவ பல்கலைக்கழகத்தில் முதல்வர் மு.க.ஸ்டாலின் தலைமையில் விருது வழங்கும் விழா நடைபெற்றது.
இந்த விழாவில் மருத்துவத்துறையில் சிறந்து விளங்கிய மருத்துவர்களைப் பாராட்டும் விதமாக, அரசு சார்பில் விருதுகளையும், சான்றிதழ்களையும், முதல்வர் மு.க.ஸ்டாலின் வழங்கினார். அவரோடு சுகாதாரத்துறை அமைச்சர் மா.சுப்பிரமணியனும் இருந்தார்.
அப்போது முதல்வர் வழங்குவதற்கான விருதுகளை, சென்னை தேனாம்பேட்டையில் உள்ள மருத்துவம் மற்றும் ஊரக நலப்பணிகள் இயக்கத்தில் பணி புரியும் நந்தினி என்பவர் மருத்துவருக்கான விருதுகளை, முதல்வர் மு.க.ஸ்டாலின் மற்றும் சுகாதாரத்துறை அமைச்சர் மா.சுப்ரமணியனிடம் நேரடியாக எடுத்து கொடுத்துள்ளார்.
இந்நிலையில், விருதுகளை முதல்வரிடம் எடுத்து கொடுத்த நந்தினிக்கு லேசான அறிகுறி இருந்ததால் பரிசோதனை எடுத்துள்ளார். அதன் முடிவு கிடைக்கப் பெற்றதில், முதல்வரிடம் விருதுகளை எடுத்து கொடுத்த நந்தினிக்கு கொரோனா தொற்று உறுதியாகி உள்ளது. இதையடுத்து மருத்துவம் மற்றும் ஊரக நலப்பணிகள் இயகுநரகத்தில் கிருமி நாசினி தெளிக்கப்பட்டுள்ளது.
No comments:
Post a Comment