டாஸ்மாக் கடைகளின் நேரம் அதிகரிப்பு - மதுப்பிரியர்கள் மகிழ்ச்சி!
தமிழகத்தில், டாஸ்மாக் கடைகளின் நேரத்தை அதிகரித்து தமிழக அரசு அறிவிப்பு வெளியிட்டுள்ளது.
தமிழகத்தில், கொரோனா வைரஸ் தொற்றின் இரண்டாவது அலை குறைந்து வருகிறது. தளர்வுகளுடன் கூடிய ஊரடங்கு கடைபிடிக்கப்பட்டு வரும் நிலையில், சென்னை உள்ளிட்ட மாவட்டங்களில், டாஸ்மாக் மதுபானக் கடைகள் காலை 10 மணி முதல் மாலை 5 வரை இயங்கி வருகின்றன.
தளர்வுகளுடன் அமலில் உள்ள ஊரடங்கு வரும் 5-ம் தேதியுடன் முடிவடைய உள்ள நிலையில், தமிழகம் முழுவதும் ஒரே மாதிரியான தளர்வுகளுடன் கூடிய ஊரடங்கை, வரும் 12ம் தேதி வரை நீட்டித்து தமிழக அரசு உத்தரவிட்டுள்ளது. இதன்படி, தமிழகம் முழுவதும் பல்வேறு தளர்வுகள் அளிக்கப்பட்டுள்ளன.
தளர்வுகளின் ஒரு பகுதியாக, மாநிலம் முழுவதும் நோய்க் கட்டுப்பாட்டு பகுதிகள் தவிர, இதர பகுதிகளில், டாஸ்மாக் மதுபானக் கடைகள் காலை 10 மணி முதல் இரவு 8 மணி வரை செயல்பட தமிழக அரசு உத்தரவிட்டுள்ளது. இதனால் மதுப்பிரியர்கள் உற்சாகம் அடைந்துள்ளனர்.
No comments:
Post a Comment