அதிமுக செய்யாததை திமுக செய்ய வேண்டும்: விஜயகாந்த் வைத்த ‘நச்’ கோரிக்கை!

அதிமுக செய்யாததை திமுக செய்ய வேண்டும்: விஜயகாந்த் வைத்த ‘நச்’ கோரிக்கை!

இந்தியாவின் புகழ்பெற்ற மருத்துவரும், மேற்கு வங்கத்தின் முன்னாள் முதலமைச்சருமான டாக்டர். பிதான் சந்திர ராய் நினைவைப் போற்றும் வகையில் ஆண்டுதோறும் ஜூலை 1ஆம் நாள் தேசிய மருத்துவர்கள் தினமாக கடைப்பிடிக்கப்படுகிறது.

தன்னலமற்று மக்கள் நலம் காக்கும் மகத்தான பணியில் அர்ப்பணிப்பு உணர்வுடன் செயல்படும் மருத்துவர்களின் சேவை தற்போதைய கொரோனா பேரிடர் காலத்தில் இன்றியமையாததாய் இருக்கிறது. கொரோனாவால் மருத்துவர்கள் உயிரிழந்த போதும், ஏராளமான மருத்துவர்களுக்கு தொற்று ஏற்பட்ட போதும், தங்களுக்கும் தொற்று ஏற்பட வாய்ப்பு உண்டு என தெரிந்தும், ஒவ்வொரு மருத்துவரும் அர்ப்பணிப்போடு பணி செய்து வருகிறார்கள்.

ஆனால், ஒப்பீட்டளவில் மருத்துவர்கள் குறைவான ஊதியமே பெற்று வருவதாக கூறி, தங்களது ஊதிய உயர்வுக்காக பல ஆண்டுகள் அவர்கள் போராடி வருகின்றனர். அரசாணை 354 இன் படி, அரசு மருத்துவர்களுக்கு 12 ஆண்டுகளில் ஊதியப்பட்டை நான்கு வழங்கப்பட வேண்டும் என்று அவர்கள் கோரிக்கை விடுத்து வருகின்றனர். திமுக ஆட்சியில் அரசு மருத்துவர்களுக்கு அரசாணை 354 ன் படி ஊதியம் வழங்கப்படும் என்று ஏற்கனவே

ஸ்டாலின் தெரிவித்துள்ளார். எனவே, அதனை விரைவில் அமல்படுத்த வேண்டும் என மருத்துவர்கள் கோரி வருகின்றனர்.