சுவேந்து அதிகாரியுடன் சந்திப்பு? சொலிசிட்டர் ஜெனரல் மேத்தா விளக்கம்!
மேற்கு வங்க பா.ஜ.க., தலைவர் சுவேந்து அதிகாரியை சந்திக்கவில்லை என, சொலிசிட்டர் ஜெனரல் தூஷர் மேத்தா விளக்கமளித்துள்ளார்.
நாரதா ஊழல் வழக்கில், சுவேந்து அதிகாரி உள்ளிட்ட திரிணமூல் காங்கிரஸ் தலைவர்கள் மீது சி.பி.ஐ., குற்றம் சாட்டியுள்ளது. இந்நிலையில், மத்திய அரசின் தலைமை வழக்கறிஞர் தூஷர் மேத்தாவை, நந்திகிராம் தொகுதி பா.ஜ.க., - எம்.எல்.ஏ.,வும், மேற்கு வங்க சட்டப்பேரவை எதிர்க்கட்சித் தலைவருமான சுவேந்து அதிகாரி சந்தித்ததாக, மேற்கு வங்க மாநில முதலமைச்சர் மம்தா பானர்ஜி குற்றம் சாட்டியுள்ளார்.
இதனால், தலைமை வழக்கறிஞரை மாற்ற வேண்டும் என, பிரதமர் நரேந்திர மோடிக்கு முதலமைச்சர் மம்தா பானர்ஜி கடிதம் எழுதியுள்ளார். சி.பி.ஐ., வழக்குப் பதிவு செய்து விசாரணை நடத்தி வரும் நிலையில், இந்த சந்திப்பு குறித்து முதலமைச்சர் மம்தா கடுமையாக விமர்சித்துள்ளார். ஆனால், சொலிசிட்டர் ஜெனரல் தூஷர் மேத்தா இந்த குற்றச்சாட்டை மறுத்துள்ளார்.
No comments:
Post a Comment