சென்னையில் சிக்னலை மீறுபவர்கள் இனி தப்பிக்க முடியாது..! கடிவாளம் போட்ட காவல்துறை
சென்னையில் உள்ள முக்கிய சிக்னல்களில் சிசிடிவி கேமராக்கள் பொருத்தப்பட்டு கண்காணிக்கப்பட்டு வருகிறது. இருந்தாலும் வாகன ஓட்டிகள் சிலர் சிக்னலில் காத்திருக்காமல் வேகமாக வாகனங்களை ஓட்டி செல்கின்றனர். பரபரப்பான இந்த சூழலில் அவர்கள் மீது நடவடிக்கை எடுக்கப்படாமல் போய்விடுகிறது.
இந்நிலையில், இனி வரும் காலங்களில் சிக்னல் விதிகளை மீறும் வாகன ஓட்டிகளுக்கு வாய்ப்புக்கொடுக்காதபடி புதிய அபராத நடைமுறையை சென்னை காவல்துறை கொண்டு வந்துள்ளது. அந்த வகையில், முதற்கட்டமாக சென்னை அண்ணா நகரில் உள்ள 5 முக்கிய சிக்னல்களில் நிற்காமல் செல்லும் வாகன ஓட்டிகளிடம் அபராதம் வசூலிக்கப்படவுள்ளது. இந்த சிக்னல்களில் நிற்காமலும், குறிப்பிட்ட கோட்டினை தாண்டி வந்து நிற்கும் வாகனங்களை சிசிடிவி மூலம் கண்டறிந்து அவர்களது செல்போனிற்கு அபராத ரசீதை தானியங்கி மூலம் அனுப்பும் முறை அமல்படுத்தப்பட்டுள்ளது.
இந்த நடைமுறை தமிழகத்திற்கு கால தாமதமாக வந்திருந்தாலும் இப்போதாவது வந்துள்ளதே என்று சமூக ஆர்வலர்கள் வரவேற்றுள்ளனர். சென்னை போன்ற போக்குவரத்து நெரிசல் உள்ளிட்ட இடங்களில் சிசிடிவி கேமராக்கள் பொறுத்தப்பட்டிருந்தாலும், ஒரு சிலர் விதிகளை மீறி வாகனத்தை இயக்கி வருகின்றனர். அதிலும் குறிப்பாக இரு சக்கர வாகன ஓட்டிகள், சிக்னல் நேரம் முடிவதற்குள் போலீஸ் இல்லையென்றால் உடனே சென்று விடுகின்றனர். ஒரு சிலர் குறிப்பிட்ட நேரம் முடிவடையும் வரை காத்திருந்து செல்கின்றனர்.
No comments:
Post a Comment