அத்தையை ஓவர்டேக் செய்யும் உதயநிதி ஸ்டாலின்!
நடந்து முடிந்த சட்டமன்றத் தேர்தலில் திமுக வெற்றி பெற்று ஆட்சியை பிடித்திருந்தாலும், கொங்கு மண்டலத்தை பொறுத்தவரை அக்கட்சி படுவீக்காக உள்ளது. கோவையில் ஒரு தொகுதியில் கூட திமுகவால் வெற்றி பெற முடியவில்லை. கொங்கு மண்டலத்தில் திமுகவின் நிலைமை மோசமாக இருப்பதை ஸ்டாலின் தனக்கான பிரஸ்டிஜ் ப்ராப்ளமாகவே பார்த்து வருகிறார். இந்த பின்னணியில்தான் அண்மையில் நடைபெற்ற திமுக கூட்டத்தில் கூட, “நாம் பெற்றது அபார வெற்றி அல்ல” என்று ஸ்டாலின் பேசியதாக கூறப்படுகிறது.
இந்த நிலையில், தமிழகத்தில் விரைவில் உள்ளாட்சித் தேர்தல் வரவுள்ளது. அதனைத்தொடர்ந்து, 2024 ஆம் ஆண்டில் நாடாளுமன்றத் தேர்தலும் வரவுள்ளது. ஸ்டாலினை பொறுத்தவரை அடுத்த சட்டமன்றத் தேர்தலிலும் திமுக வெற்றி பெற்று மீண்டும் ஆட்சியமைக்க வேண்டும் என்பதில் முனைப்பு காட்டி வருகிறார். இதற்காக கட்சி கட்டமைப்பை இப்போதிலிருந்தே வலுப்படுத்தினால்தான் சரியாக இருக்கும் என்பதால் அதற்கான முயற்சிகளை அவர் மேற்கொண்டு வருகிறார்.
எனவே, திமுகவுக்கு பெரும் சவாலாக இருக்கும் கொங்கு மண்டலத்துக்கு புதிய பொறுப்பாளர் ஒருவரை நியமித்து அவர் மூலம், கட்சிக் கட்டமைப்பு, நிர்வாகிகள் திறன் உள்ளிடவைகளை ஆராய்ந்து புதிய நிர்வாகிகளை நியமிக்க ஸ்டாலின் திட்டமிட்டு வருவதாக கூறப்படுகிறது. இந்த கொங்கு மண்டலப் பொறுப்பாளர் பதவிக்கு கட்சிக்குள் கடுமையான போட்டி நிலவி வருகிறது. எப்படியாவது கொங்கை திமுகவின் கோட்டையாக மாற்றி விட்டால் ஸ்டாலினின் குட்புக்கில் இடம் பெற்றுவிடலாம் என்பதால் பலரும் அதற்கான காய்களை நகர்த்தி வருகின்றனர்.
ஆனால், ஸ்டாலினோ அப்பொறுப்பை தனக்கு நம்பிக்கை வாய்ந்த ஒருவரிடம் கொடுக்க திட்டமிட்டிருப்பதாக கூறப்படுகிறது. ஏற்கனவே, தேர்தலுக்கு முன்னர் கொங்கில் முகாமிட்டு பணிகளை செய்து வந்த கனிமொழி, அங்கிருந்தே தனது பிரசாரத்தை தொடங்கினார். பொள்ளாச்சி விவகாரத்திலும் கனிமொழி படு ஆக்ட்டிவாக செயல்பட்டு வந்தார். இதனால், கொங்கு மண்டலப் பொறுப்பாளருக்கு ஸ்டாலினின் சாய்ஸாக கனிமொழியே இருந்து வந்தார்.
No comments:
Post a Comment