கலைஞருக்கு எட்டாத வெற்றிக் கனி, பறிக்கத் துடிக்கும் உதயநிதி: கொங்கு பாலிடிக்ஸ்!
கொங்கு மண்டலத்தில் திமுக நிர்வாகிகளை மாற்றியமைக்கும் பணிகள் தொடங்கியுள்ளதாகவும் உதயநிதி அதன் பொறுப்பாளராக நியமிக்கப்பட உள்ளதாகவும் கூறப்படுகிறது.
பத்தாண்டுகளுக்குப் பின்னர் திமுக ஆட்சி பொறுப்பேற்றுள்ளது. 125 இடங்களில் திமுகவும், 159 இடங்களில் ஒட்டுமொத்தமாக திமுக கூட்டணியும் வெற்றி பெற்றுள்ளது. சென்னை உள்ளிட்ட வட மாவட்டங்கள், தென் மாவட்டங்கள், டெல்டா மாவட்டங்கள் என மாநிலத்தின் பல பகுதிகளில் திமுக் ஆதிக்கம் செலுத்திய போதும் மேற்கு மாவட்டங்களில் திமுகவுக்கு ஏமாற்றமே மிஞ்சியது. மற்ற மண்டலங்களைவிட கொங்கு மண்டலத்தில் திமுகவுக்கு மிகக் குறைவான இடங்களே கிடைத்தன. இதனால் மாபெரும் வெற்றி என்ற கனவு தகர்ந்தது.
இரண்டாவது பெரிய மாவட்டமான கோவையில் ஒரு தொகுதியில் கூட வெற்றி பெறாதது அக்கட்சிக்கு அதிருப்தியையே ஏற்படுத்தியுள்ளது. கோவையில் ஒரு தொகுதியில் பாஜகவும், பிற தொகுதிகளில் அதிமுகவும் வெற்றி பெற்றது. கொங்கு மண்டலம் பல்வேறு தொழில்களை தன்னகத்தே கொண்டது. இதனால் சென்னை போன்று பிற மாவட்ட மக்களும் கொங்கு மண்டலத்தை தேடி வேலைவாய்ப்புக்காக செல்கின்றனர். அனைத்து தரப்பு மக்களும் வசிக்கும் இந்த பகுதியில் திமுகவுக்கு எப்போதும் வெற்றி என்பது எட்டாக் கனியாகவே உள்ளது.
No comments:
Post a Comment