இந்திய தண்டனை சட்டத்தில் பெரிய அளவில் மாற்றம்: ஒன்றிய அரசு தீவிர ஆலோசனை!

இந்திய தண்டனை சட்டத்தில் பெரிய அளவில் மாற்றம்: ஒன்றிய அரசு தீவிர ஆலோசனை!

குஜராத் மாநிலம் காந்தி நகரில் அமைந்துள்ள தேசிய தடய அறிவியல் பல்கலைக்கழகத்தில் நடந்த நிகழ்ச்சியில் உள்துறை அமைச்சர் அமித் ஷா கலந்து கொண்டார். அப்போது பேசிய அவர், காவல்துறையினர் நடுநிலையோடும், நியாயமாகவும் செயல்பட குற்ற விசாரணையில் சரியான சாட்சிகள் கிடைக்க வேண்டும். அறிவியல்பூர்வமாக இதை நாம் அணுக வேண்டும் என்றார்.

மூன்றாம் தரமான சித்ரவதை செய்து குற்றத்தை ஒப்புக் கொள்ள செய்வது, மிரட்டி சாட்சிகளை தயார் செய்வது போன்றவை பயன் தராது என்று தெரிவித்த அமித் ஷா, புதிய மாறுபட்ட சூழல் மற்றும் நவீன வளர்ச்சிக்கு ஏற்ப விசாரணைகள் நடத்தப்பட வேண்டும். இதற்கு தடய அறிவியல் விசாரணை அதிகமாக கைகொடுக்கும் என்று நம்பிக்கை தெரிவித்தார்.

ஐபிசி எனப்படும் இந்திய தண்டனை சட்டம், சிஆர்பிசி எனப்படும் குற்றவியல் நடைமுறை சட்டம், இந்திய சாட்சிகள் சட்டம் ஆகியவற்றில் பெரிய அளவில் மாற்றம் செய்யப்பட வேண்டும். இது தொடர்பாக மத்திய அரசு தீவிரமான ஆலோசனை மேற்கொண்டு வருகிறது என்றும் அப்போது அமித் ஷா தகவல் தெரிவித்தார்.முன்னதாக, தேசத்துரோக வழக்குகளை தாக்கல் செய்ய வழிவகுக்கும் சட்டப்பிரிவுக்கு எதிரான மனுவை நாளை விசாரிப்பதாக உச்ச நீதிமன்றம் தெரிவித்துள்ளது. மனு குறித்த விவரங்களை மத்திய அரசின் தலைமை வழக்கறிஞர் கேகே வேணுகோபால் வழங்குமாறும் உச்ச நீதிமன்றம் கேட்டுக் கொண்டுள்ளது என்பது குறிப்பிடத்தக்கது.