கோவையில் சேவலைத் திருட சிசிடிவியை உடைத்து அலப்பறை செய்யும் கொள்ளையர்கள்!

கோவையில் சேவலைத் திருட சிசிடிவியை உடைத்து அலப்பறை செய்யும் கொள்ளையர்கள்!

கோவை மாவட்டம் சூலூர் அருகே நீலாம்பூர் ஊராட்சிக்கு உட்பட்ட குளத்தூர் பகுதி உள்ளது. இங்கு அடிக்கடி திருட்டு மற்றும் குற்ற நிகழ்வுகள் நடக்கின்றன. இதனைத் தடுக்க போலீசாரின் அறிவுரையின்படி பல வீடுகளில் கண்காணிப்பு கேமராக்கள் பொருத்தப்பட்டுள்ளது.

இதற்கிடையே குளத்தூரில் தட்டான் தோட்டம் பகுதியில் சக்திவேல் வசித்து வருகிறார். மர்ம நபர்கள் சிலர் இவரது வீட்டிலிருந்த விலை உயர்ந்த 10 கோழிகளைத் திருடிச் சென்றனர்.

மேலும் அங்கிருந்த கண்காணிப்பு கேமராக்களை அடித்து உடைத்துள்ளனர். சில கேமராக்களை அதன் திசையை மாற்றித் திருப்பி வைத்துள்ளனர். இதனையடுத்து அதே பகுதியில் உள்ள சுகுமார் என்பவரின் வீட்டிலும் மதில் சுவர் தாண்டி உள்ளே வந்து நோட்டமிட்டு உள்ளனர்.அப்போது அப்பகுதியிலிருந்த தெரு நாய்கள் குறைந்தன. இதனால் வீடுகளில் விளக்குகள் எரியத் தொடங்கியது. இதனால் கொள்ளையர்கள் உடனடியாக அப்பகுதியை விட்டுத் தப்பிச் சென்றனர்.

தப்பிச் செல்லும் போது அவர்கள் கொண்டுவந்த கத்தி கொடுவாள் மற்றும் அரிவாள் ஆகிய ஆயுதங்களை அங்கேயே விட்டுச் சென்றனர். இந்த புகாரின் பேரில் கண்காணிப்பு கேமராக்களில் உள்ள காட்சிகளின் உதவியுடன் மர்ம நபர்களை போலீசார் தேடி வருகின்றனர்.