காமராஜர் பிறந்த தினத்தில் திருச்சி ஆசிரியர் இப்படிவொரு சூப்பர் சம்பவம்!
திருச்சி மாவட்டம் துறையூர் அருகே உள்ள சிக்கதம்பூர் அரசு ஆதிதிராவிட உயர்நிலைப் பள்ளியில் தலைமை ஆசிரியராக பணிபுரிபவர் மணிவண்ணன்.
இவர் முன்னாள் முதலமைச்சர் காமராசர் அவர்களின் 119ஆவது பிறந்த நாளை முன்னிட்டு பள்ளியில் பயிலும் 92 ஏழை மாணவர்களுக்கு அவர்களின் பொருளாதாரத்தை அறிந்து அவர்கள் வீட்டுச் சமையலுக்குப் பயன்படும் வகையில் ரூபாய் 45 ஆயிரம் மதிப்பிலான மளிகை பொருட்களை வாங்கி கொடுத்துள்ளார்.
அந்த தொகுப்பில் துவரம்பருப்பு, புளி உள்ளிட்ட 13 வகையான பொருள்கள் அடங்கும். மாணவர்களின் பெற்றோர்களை அழைத்து இந்த பொருட்களைத் தலைமை ஆசிரியர் வழங்கினார்.
இந்த நிகழ்ச்சியில் பள்ளியில் பணிபுரியும் துணை தலைமை ஆசிரியர் ரத்னாவளி, மற்றும் கிருத்திகா, செல்வமணி, பாலன், சுப்பிரமணியன், ரேணுகா, இந்திரா ஆகியோர் கலந்து கொண்டிருந்தனர்.
No comments:
Post a Comment