முதல்வர் ஸ்டாலினுடன் அமர்ந்து டீ குடித்த ஓபிஎஸ்: ருசிகர சம்பவம்!
தமிழக முதல்வராக மு.க.ஸ்டாலின் முதன்முறையாக பதவியேற்றார். அவருடன் அமைச்சர்களும் பதவியேற்றனர்.
நிகழ்ச்சி நிறைவடைந்ததும் ஆளுநர் பன்வாரிலால் புரோஹித் முதல்வர் ஸ்டாலின், மற்றும் அமைச்சர்களுக்கு தேநீர் விருந்து அளித்தார்.
அப்போது முன்னாள் துணை முதல்வர் ஓ.பன்னீர் செல்வம், முன்னாள் சபாநாயகர் தனபால் ஆகியோரும் கலந்துகொண்டனர்.
ஒரே மேஜையில் ஆளுநர் பன்வாரிலால் புரோஹித், முதல்வர் ஸ்டாலின், அமைச்சர் துரைமுருகன், தலைமைச் செயலாளர் ராஜிவ் ரஞ்சன், ஓ.பன்னீர் செல்வம், தனபால் ஆகியோர் தேநீர் அருந்தி கலந்துரையாடினர்.
அதிமுக அரசு ஆட்சியை இழந்தாலும் திமுக அரசின் பதவியேற்பு விழாவுக்கு ஓ.பன்னீர் செல்வம், தனபால் கலந்துகொண்டது முக்கிய நிகழ்வாக பார்க்கப்பட்டது. இந்நிலையில் ஒன்றாக அமர்ந்து தேநீர் அருந்தியது மிகுந்த வரவேற்பு பெற்றுள்ளது.
முன்னதாக 2016ஆம் ஆண்டு அதிமுக அரசு பதவியேற்றபோது மு.க.ஸ்டாலின் சென்று வாழ்த்து தெரிவித்தது குறிப்பிடத்தக்கது.
No comments:
Post a Comment