அண்ணே மறக்காம வந்திருங்க: ஸ்டாலின் பதவியேற்புக்கு அழகிரிக்கு அழைப்பு!
திமுக தலைவராக இருந்த கலைஞர் கருணாநிதியின் மூத்த மகன் முக அழகிரி ஒரு காலத்தின் தென் மாவட்டங்களில் கோலோச்சி வந்தார். இதனிடையே, ஸ்டாலினுடன் ஏற்பட்ட அதிகார மோதல் காரணமாகவும், அவருக்கு அளிக்கப்பட்ட முக்கியத்துவம் காரணமாகவும் அக்கட்சிக்குள் சலசலப்பை ஏற்படுத்தி வந்தார். இதையடுத்து, கட்சியின் அடிப்படை உறுப்பினர் உள்ளிட்ட அனைத்து பொறுப்புகளிலும் இருந்து அவர் நீக்கப்பட்டார். தொடர்ந்து, அவரது ஆதரவாளர்கள் பலரும் ஸ்டாலின் பக்கம் சாய்ந்தனர். ஒரு சிலர் மட்டுமே அழகிரியுடன் நெருக்கமாக உள்ளனர்.
கட்சியில் இருந்து நீக்கப்பட்ட அழகிரி தொடர்ந்து திமுக மீதான விமர்சனங்களை முன் வைத்து வந்தார். அதேசமயம், குடும்ப நிகழ்வுகளிலும் கூட ஸ்டாலினுடன் முக கொடுத்து பேசமல் இருந்து வந்தார். கருணாநிதி இறப்புக்கு வந்த அவர், மிகப்பெரிய அளவில் ஏற்பாடு செய்த ஊர்வலம் தோல்வியில் முடிந்தது.
இதன் காரணமாக அரசியலில் நிகழ்வுகளில் இருந்து சற்று ஒதுங்கியே இருந்து வரும் அழகிரி தனிக்கட்சி ஆரம்பிக்க போகிறார் எனவும், பாஜகவில் சேரப்போகிறார் என்றும் தகவல்கள் வெளியாகின. இந்த தேர்தலில் அவரை வைத்து ஸ்டாலினுக்கு நெருக்கடி கொடுக்கவும் எதிரணிகள் திட்டம் தீட்டின. ஆனால், அவற்றுக்கெல்லாம் அழகிரி அசைந்து கொடுக்கவில்லை.
No comments:
Post a Comment