Realme-யின் முதல் லேப்டாப்; விலையை சொன்னா HP, Lenovo-லாம் தெறிச்சுடும்!

Realme-யின் முதல் லேப்டாப்; விலையை சொன்னா HP, Lenovo-லாம் தெறிச்சுடும்!

இந்தியாவில் Wearable சந்தைக்குள் நுழைந்த பிறகு, ரியல்மி நிறுவனம் நாட்டில் ஒரு புதிய பிரிவிற்குள் நுழைய தயாராக உள்ளது என்பது போல்தெரிகிறது. அதாவது ரியல்மி நிறுவனம் இந்த 2021 ஆம் ஆண்டு இந்தியாவில் லேப்டாப் பிரிவில் நுழையும் என்று எதிர்பார்க்கப்படுகிறது.

இந்த ஸ்மார்ட்போன் தயாரிப்பாளர் அதன் மன்றத்தில் ஒரு கேள்வி-பதில் நிகழ்வை தொடங்கியது. அதில் பயனர்கள், ரியல்மி லேப்டாப்பை எப்போது எதிர்பார்க்கலாம் என்று கேட்க, அடுத்த மூன்று மாதங்களில் லேப்டாப் வாங்க திட்டமிட்டுள்ளீர்களா என்று ரியல்மி பதில் கேள்வி கேட்டுள்ளது.

ஆக, 2021 ஆம் ஆண்டின் மூன்றாம் காலாண்டில் நிறுவனம் தனது முதல் லேப்டாப்பை இந்தியாவில் அறிமுகப்படுத்த திட்டமிட்டிருக்கலாம் என்பதை வெளிப்படையாகிறது.

இதுதவிர்த்து, ரியல்மி இந்தியா அதன் மன்றம் வழியாக, லேப்டாப் பற்றி பகிர்ந்து கொண்ட வேறு சில விவரங்களும் உள்ளது. அனைத்து பொதுவான கேள்விகளுடனும், ரியல்மி நிறுவனம் வரவிருக்கும் லேப்டாப் எந்த விலைப்பிரிவின் கீழ் வரும் என்கிற தகவலையும் வெளிப்படுத்தி உள்ளது. இதன் விலை வரம்பு ரூ.30,000 உடன் தொடங்கி ரூ.50,000 வரை செல்ளலாம் என்று குறிப்பிடப்பட்டுள்ளது.

ஆக மொத்தம் ரூ.30,000 முதல் என்கிற விலைப்பிரிவு ஒருபக்கம் இருக்க, ரியல்மி தனது முதல் லேப்டாப்பை ரூ.50,000 க்கு என்கிற பிரிவின் கீழ் நாட்டில் அறிமுகப்படுத்த திட்டமிட்டுள்ளது என்பதை கிட்டத்தட்ட உறுதிப்படுத்த முடிகிறது.

இது உண்மையாக இருந்தால், ரியல்மி நிறுவனத்திடம் இருந்து வரும் புதிய லேப்டாப் ஆனது ரூ.50,000 க்கு கீழ் வாங்க கிடைக்கும் ரெட்மி லேப்டாப்களுக்கு கடும் போட்டியை வழங்கும் என்பதில் சந்தேகமே வேண்டாம்.

நினைவூட்டும் வண்ணம் ஸ்மார்ட்போன்களை தவிர, வியரிபிள், ஆடியோ மற்றும் ஐஓடி தயாரிப்புகளையும் ரியல்மி விற்பனை செய்கிறது.

சமீபத்தில், இந்நிறுவனம் ரியல்மி 8 5ஜி ஸ்மார்ட்போனை இந்தியாவில் அறிமுகப்படுத்தியது. இது ரூ.14,999 என்கிற ஆரம்ப விலைக் குறியுடன் வருகிறது, இது ஆன்லைனில் பிளிப்கார்ட் மற்றும் ரியல்மி.காம் வழியாக வாங்க கிடைக்கிறது.

தவிர இது ரியல்மி எக்ஸ்7 மேக்ஸ் மற்றும் ரியல்மி சி20ஏ போன்ற ஸ்மார்ட்போன்களை விரைவில் அறிமுகம் செய்ய திட்டமிட்டுள்ளது.

நினைவூட்டும் வண்ணம் ரியல்மி நிறுவனத்தின் லேட்டஸ்ட் ஸ்மார்ட்போனாக X7 மேக்ஸ் மாடல் கடந்த மே 4-ஆம் அறிமுகமாகும் என்று அறிவிக்கப்பட்டது. பின்னர் நாட்டில் நிலவும் COVID-19 நிலைமை காரணமாக குறிப்பிட்ட ஸ்மார்ட்போனின் அறிமுகத்தை ஒத்திவைக்க ரியல்மி பிராண்ட் முடிவு செய்தது.

இந்த ஸ்மார்ட்போன் கடந்த மார்ச் 31 ஆம் தேதி சீனாவில் அறிமுகமான ரியல்மி ஜிடி நியோவின் மறுபெயரிடப்பட்ட பதிப்பாக இருக்கலாம் என்று நம்பப்படுகிறது. வெளியீடு தாமதமாகிவிட்டாலும், ரியல்மி எக்ஸ் 7 மேக்ஸ் ஸ்மார்ட்போனின் அம்சங்கள் குறித்த விவரங்கள் ரீடெயில் பாக்ஸ் ஒன்றின் வழியாக லீக் ஆகியுள்ளது.

@Gadgetsdata என்று பெயரிடப்பட்ட ஒரு ட்விட்டர் அக்கவுண்ட், ரியல்மி எக்ஸ் 7 மேக்ஸின் ரீடெயில் பாக்ஸ் என்று கூறப்படும் ஒரு படத்தை வெளியிட்டுள்ளது. அதன் வழியாக மீடியா டெக் டைமன்சிட்டி 1200 SoC மற்றும் 120Hz சூப்பர் AMOLED டிஸ்ப்ளே போன்ற பிரதான அம்சங்களை காண முடிகிறது.

இந்த இரண்டு அம்சங்களும் ரியல்மி ஜிடி நியோவில் காணப்படுகின்றன, ஆக ரியல்மி எக்ஸ் 7 மேக்ஸ் என்பது ரியல்மி ஜிடி நியோவின் மறுபெயரிடப்பட்ட மாறுபாடு தான் என்று வெளியான முந்தைய அறிக்கைகள் வலுப்படுகின்றன.

முன்னதாக அறிமுகமான ரியல்மி ஜிடி நியோ ஸ்மார்ட்போனின் அம்சங்கள் மற்றும் விவரக்குறிப்புகள்:

அம்சங்களை பொறுத்தவரை ரியல்மி ஜிடி நியோ ஆனது 6.43 இன்ச் அளவிலான சூப்பர் அமோலேட் டிஸ்ப்ளேவை - மேல் வலது மூலையில் பஞ்ச்-ஹோல் கட்அவுட்டுடன் - கொண்டுள்ளது. இந்த உயரமான டிஸ்பிளே புல் HD + ரெசல்யூஷன், 120Hz ரெஃப்ரெஷ் ரேட் மற்றும் 360Hz டச் சாம்ப்ளிங் விகிதத்தை ஆதரிக்கிறது. இது இன்-டிஸ்ப்ளே ஆப்டிகல் கைரேகை சென்சாரை கொண்டுள்ளது.

கேமிங் மற்றும் பல்பணி செயல்பாடுகளுக்கு, மீடியாடெக்கிலிருந்து Dimensity 1200 SoC ஒருங்கிணைக்கப்பட்டுள்ளது. இந்த சிப்செட் 12 ஜிபி ரேம் மற்றும் 256 ஜிபி யுஎஃப்எஸ் 3.1 ஸ்டோரேஜ் உடன் இணைக்கப்பட்டுள்ளது.

இமேஜிங்கை பொறுத்தவரை, ரியல்மி ஜிடி நியோ ஸ்மார்ட்போன் ஆனது 64 மெகாபிக்சல் ட்ரிபிள் கேமரா அமைப்பைப் பெறுகிறது. இந்த முதன்மை சென்சாருடன் 8 மெகாபிக்சல் அல்ட்ரா-வைட் சென்சார் மற்றும் 2 மெகாபிக்சல் மேக்ரோ சென்சார் உள்ளது. செல்பீக்களுக்கு, நீங்கள் 16 மெகாபிக்சல் முன்பக்க கேமராவைப் பெறுவீர்கள்.

ரியல்மி ஜிடி நியோ ஸ்மார்ட்போன் ஆண்ட்ராய்டு 11 ஓஎஸ் அடிப்படையிலான ரியல்மி யுஐ 2.0 கஸ்டம் ஸ்கின்னை இயக்குகிறது. இந்த ஸ்மார்ட்போன் 4,500 எம்ஏஎச் பேட்டரியால் ஆதரிக்கப்படுகிறது மற்றும் 50W ஃபாஸ்ட் சார்ஜ் ஆதரவைக் கொண்டுள்ளது.

இணைப்பு விருப்பங்களை பொறுத்தவரை, 5 ஜி, 4 ஜி எல்டிஇ, ப்ளூடூத் வி 5.1, ஜிபிஎஸ், யூ.எஸ்.பி-சி போர்ட் ஆகியவற்றை கொண்டுள்ளது. மேலும் இந்த புதிய ஜிடி நியோ விசி கூலிங் தொழில்நுட்பத்தையும் கொண்டுள்ளது.

இந்த ஸ்மார்ட்போன் BIS (இந்திய பணியக பணியகம்) தளத்தில் தோன்றியதாகக் கூறப்படுகிறது, எனவே இது இந்திய அறிமுகம் மிக தொலைவில் இல்லை என்பதைக் குறிக்கிறது.

விலை நிர்ணயம் எப்படி இருக்கும்?

ரியல்மி ஜிடி நியோ ஸ்மார்ட்போனின் பேஸிக் மாறுபாட்டிற்கான விலை, இந்திய மதிப்பின்படி சுமார் ரூ.20,000 ஆகும். இது 6 ஜிபி ரேம் / 128 ஜிபி ஸ்டோரேஜ் மாறுபாட்டின் விலை ஆகும்.

அடுத்ததாக உள்ள 8 ஜிபி ரேம் / 128 ஜிபி வேரியண்ட் ஆனது தோராயமாக ரூ.22,300 க்கும், டாப்-எண்ட் மாடலான 12 ஜிபி ரேம் + 256 ஜிபி ஸ்டோரேஜ் வேரியண்ட் ஆனது சுமார் ரூ.25,700 க்கும் அறிமுகமாகி உள்ளன.