ரேஷன் அட்டைதாரர்களுக்கு 2000 ரூபாய்.. டோக்கன் ரெடி!
கொரோனா நெருக்கடி காலத்தில் மக்களுக்கு நிவாரணம் அளிக்கும் வகையில் ரேஷன் அட்டைதாரர்காளுக்கு தலா 4000 ரூபாய் நிவாரணம் வழங்கப்படும் என தமிழக முதல்வர் மு.க.ஸ்டாலின் அறிவித்தார். இதன்படி முதல் தவணை 2000 ரூபாய் கடந்த மாதம் வழங்கப்பட்டது.
இரண்டாம் தவணை 2000 ரூபாய் மற்றும் 14 மளிகை பொருட்கள் அடங்கிய தொகுப்பினை பொதுமக்களுக்கு வழங்க முதல்வர் ஸ்டாலின் உத்தரவிட்டார். இத்திட்டம் முன்னாள் முதல்வர் கருணாநிதி பிறந்த நாளான ஜூன் 3ஆம் தேதி தொடங்கிவைக்கப்பட்டது.
2000 ரூபாய், மளிகைப் பொருள் தொகுப்பை வழங்குவதற்கான டோக்கன்கள் ஜூன் 11 முதல் 14ஆம் தேதி வரை ரேஷன் கடைகளில் வழங்கப்படும் என தமிழக அரசு தெரிவித்துள்ளது. இந்த டோக்கன்களின் அடிப்படையில் 2000 ரூபாயும், 14 மளிகை பொருட்கள் அடங்கிய தொகுப்பும் ஜூன் 15அம் தேதியில் இருந்து காலை 8 மணி முதல் நண்பகல் 12 மணி வரை பெற்றுக்கொள்ளலாம்
அனைத்து அரிசி ரேஷன் அட்டைதாரர்களுக்கும் எவ்வித விடுதலுமின்றி இரண்டாம் தவணை தொகை 2000 ரூபாயும், மளிகை பொருள் தொகுப்பும் வழங்கப்படவுள்ளதால், அவரவர்க்கு ஒதுக்கப்பட்ட நாள், நேரத்தில் ரேஷன் கடையில் சிரமமின்றி பெற்றுச்செல்லலாம் என தமிழக அரசு தெரிவித்திருந்தது.
இந்நிலையில், ரேஷன் அட்டைதாரர்களுக்கு வழங்கப்படவுள்ள டோக்கன்கள் தயார்நிலையில் உள்ளன. இந்த டோக்கன்களில் தமிழ்நாடு அரசு என குறிப்பிடப்பட்டுள்ளது. அரசியல் தலைவர்கள், ஆளும் கட்சி சார்ந்த படங்களும், குறியீடுகளும் தவிர்க்கப்பட்டுள்ளது. இதற்கு சமூக வலைதளங்களில் பாராட்டுகள் குவிந்து வருகின்றன.
No comments:
Post a Comment