சுவையான தம்ரூட் அல்வா செய்யலாம் வாங்க

சுவையான தம்ரூட் அல்வா செய்யலாம் வாங்க

தம்ரூட் அல்வா செய்ய – தேவையான பொருள்:

பால் – 2 கப் 

ஜீனி – 2 1/2 கப் 

ஏலக்காய் – 1

ரவா – 1/2 கப் 

முந்திரி பருப்பு 

தோல் நீக்கிய பாதாம் பருப்பு – 25 கிராம் 

நெய் – 3/4 கப் 

எண்ணெய் – 1/4 கப் 

கடலை பருப்பு – 1/2 கப் 

சிவப்பு நிற கலர் பவுடர்

சூடான பால் – 3 டேபிள் ஸ்பூன் 

பூஸ்ட் – 2 1/2 டேபிள் ஸ்பூன் 

செய்முறை விளக்கம்:

ஸ்டேப் 1: முதலில் பவுலில் தோல் நீக்கிய பாதாம் பருப்பினை சிறிதளவு தண்ணீர் சேர்த்து 4 மணிநேரம் ஊறவைக்கவும்.

ஸ்டேப் 2: அடுத்து வேறு ஒரு பாத்திரத்தில் கடலை பருப்பினை நன்கு அலசிய பிறகு 2 கப் தண்ணீர் சேர்த்து வேகவைக்கவும்.

ஸ்டேப் 3: நன்றாக வெந்த பிறகு நீரினை வடிகட்டி அந்த பருப்பினை ஆறவைக்கவும். நன்றாக ஆரிய கடலை பருப்பினை மிக்ஸி ஜாரில் சேர்த்து அதனுடன் 25 கிராம் அளவு முந்திரி பருப்பினை சேர்க்கவும்.

ஸ்டேப் 4: அடுத்ததாக தோல் நீக்கிய பாதாம் பருப்பினையும் இதில் சேர்க்கவும். அதனுடன் ஏலக்காய் 1 சேர்க்கவும்.

ஸ்டேப் 5: இப்போது தண்ணீர் சேர்க்காமல் நன்றாக அரைத்துக்கொள்ளவும். அரைத்த பிறகு சிறிது அளவு தண்ணீர் சேர்த்து பேஸ்ட் போல் தனியாக எடுத்துக்கொள்ளவும். 

ஸ்டேப் 6: அடுத்ததாக ஒரு பாத்திரத்தில் 2 கப் அளவிற்கு பால் சேர்க்கவும். கடாயை சூடு படுத்தி பாலை நன்றாக காய்ச்சிக்கொள்ளவும். அடுத்து ஒரு கடாயில் ரவாவினை 3 அல்லது 4 நிமிடம் வரை மிதமான சூட்டில் வறுக்கவும். 

ஸ்டேப் 7: வறுத்த ரவாவினை ஆறவைக்கவும். மிதமான சூட்டில் ஒரு அகலமான பாத்திரத்தை வைத்து காய்ச்சிய பாலை ஊற்றவும். காய்ச்சிய பாலில் ஆற வைத்துள்ள ரவாவை சேர்த்து மிக்ஸ் செய்யவும்.

ஸ்டேப் 8: அடுத்து 2 1/2 கப் அளவிற்கு ஜீனியை சேர்க்கவும். ஜீனி சேர்த்த பிறகு அரைத்து வைத்துள்ள விழுதினை சேர்த்து நன்றாக கிளறிவிட வேண்டும்.

ஸ்டேப் 9: விருப்பம் உள்ளவர்கள் கலர் பவுடரை கொஞ்சமாக சேர்த்துக்கொள்ளவும். சேர்த்த பிறகு கரண்டியால் நன்றாக கிளறவும். அடுத்து 1/4 கப் அளவிற்கு எண்ணெய் சேர்த்து கிளறவும்.

ஸ்டேப் 10: இப்போது நெய் 3/4 அளவிற்கு சேர்த்து கிளறவும். அடுத்து ஒரு தனி பவுலில் 3 டேபிள் ஸ்பூன் அளவிற்கு சூடான பால் சேர்த்து அதனுடன் பூஸ்ட் (boost) 2 1/2 டேபிள் ஸ்பூன் அளவு சேர்த்து கட்டியில்லாமல் கலக்கவும்.

ஸ்டேப் 11: இப்போது பூஸ்ட் கரைத்ததை அல்வாவுடன் சேர்த்து கைவிடாமல் கிளறவும். கொஞ்சம் கொஞ்சமாக நெய் சேர்த்து கிளறிவிட வேண்டும். 

ஸ்டேப் 12: பாத்திரத்தில் ஒட்டாத அளவுக்கு வரும் வரை கிளறிவிட வேண்டும். அடுத்து தம் போடுவதற்கு சிறிய வட்டா போன்று எடுத்துக்கொள்ளவும்.

ஸ்டேப் 13: சிறிய பாத்திரம் எடுத்து அதில் நெய் தடவி கொள்ளவும். அந்த பாத்திரத்தில் அல்வாவினை 2 இன்ச் அளவிற்கு வைத்துக்கொள்ளவும். அல்வாவின் மேல் முந்திரி பருப்பினை தூவிவிட வேண்டும்.

ஸ்டேப் 14: அடுத்ததாக அந்த பாத்திரத்தில் மூடி போட்டு அதன் மேல் தம் போட நெருப்பு வைக்கவும். 

ஸ்டேப் 15: நெருப்புமட்டும் சேர்த்து தம்மில் போட முடியாததனால் ஒரு ஓவன் பாத்திரத்தில் கொஞ்சமாக நெய் தடவிக்கொள்ளவும்.

ஸ்டேப் 16: நெய் தடவிய பாத்திரத்தில் அல்வாவினை சேர்க்கவும். அதில் முந்திரி பருப்பினை சேர்க்கவும். அடுத்து லேசான சூட்டில் வைத்து முந்திரியானது ப்ரவுன் நிறத்தில் வரும் வரை ஓவனை வைக்கவும். 

ஸ்டேப் 17: சூப்பரான தம்ரூட் அல்வா ரெடி. நீங்களும் வீட்டில் செய்து ட்ரை பண்ணுங்க.