காஞ்சிபுரத்தில் நீண்ட நாள் எண்ணத்தை நிறைவேற்றிய முதல்வர் ஸ்டாலின்!
தமிழ்நாடு முதல்வராக பொறுப்பேற்ற பின்னர், முதன்முறையாக முதல்வர் ஸ்டாலின் காஞ்சிபுரம் சென்றுள்ளார். முதல்வருடன் ஊரக தொழில்துறை அமைச்சர் தா.மோ.அன்பரசன், காஞ்சிபுரம் மக்களவை உறுப்பினர் கா.செல்வம், எம்எல்ஏக்கள் சுந்தர், எழிலரசன் ஆகியோரும் உடன் சென்றனர்.
காஞ்சிபுரம் சென்ற முதல்வருக்கு மாவட்ட ஆட்சியர் ஆர்த்தி, காவல் கண்காணிப்பாளர் சுதாகர் ஆகியோர் புத்தகம் பரிசாக வழங்கு வரவேற்றனர். முதல்வர் வருவகையையொட்டி, காஞ்சிபுரத்தில் பாதுகாப்பு ஏற்பாடுகள் பலப்படுத்தப்பட்டிருந்தன.
முதல்வரான பிறகு முதல்முறையாக காஞ்சிபுரத்திலுள்ள அறிஞர் அண்ணாவின் நினைவு இல்லத்திற்கு சென்ற ஸ்டாலின் அவரது சிலைக்கு மாலை அணிவித்து மரியாதை செலுத்தினார். அதன்பின்னர் செய்தியாளர்களிடம் பேசிய ஸ்டாலின், எங்களை ஆளாக்கிய பேரறிஞர் அண்ணா வாழ்ந்த இல்லத்திற்கு வருகை புரிந்தது மகிழ்ச்சி அளிக்கிறது. காஞ்புரத்தில் அறிஞர் அண்ணாவின் இல்லத்தில் அவரிடம் வாழ்த்து பெற வேண்டும் என்ற எனது நீண்ட நாள் எண்ணம் நிறைவேறியுள்ளது என்றார்.
மக்களிடம் செல், மக்களோடு மக்களாக சேர்ந்து வாழ், மக்களுக்கு பணியாற்று என்ற அறிவுரையை எப்போதும் அறிஞர் அண்ணா வழங்குவார். அவர் தந்த அறிவுரைப்படி இந்த ஆட்சி பீடு நடைபோடும். நிதி நிலை அறிக்கை வெளியிடும்போது அதில் அண்ணாவின் பெயரிலும் திட்டங்கள் தொடங்கப்படும் என்றும் ஸ்டாலின் அப்போது தெரிவித்தார்.
No comments:
Post a Comment