தியேட்டர்களுக்கு அனுமதி; பேருந்துகளில் 100 சதவீதம்: ஊரடங்கில் புதிய தளர்வுகள்!
கொரோனா பரவலை கட்டுக்குள் கொண்டு வரும் நடவடிக்கையாக கடந்த ஆண்டு மார்ச் மாதம் தியேட்டர்கள் மூடப்பட்டன. அதன் விளைவாக புதிய படங்களை ரிலீஸ் செய்வதில் சிக்கல் ஏற்பட்டுள்ளது. இந்தச் சிக்கலுக்கு தீர்வுகாணும் நோக்கில் சில படங்கள் ஓடிடி தொழில்நுட்பத்தில் ஆன்-லைனில் ரிலீஸ் செய்யப்பட்டன.
இதையடுத்து, அளிக்கப்பட்ட தளர்வுகளின் அடிப்படையில், தியேட்டர்கள் திறக்கப்பட்டன முதலில் 50 சதவீத இருக்கைகளுக்கு அனுமதியளிக்கப்பட்ட நிலையில், பின்னர் 100 சதவீத பார்வையாளர்களுக்கு அனுமதி அளிக்கப்பட்டது. இதனிடையே, கொரோனா இரண்டாவது அலை பரவல் காரணமாக நாடு முழுவதும் பல்வேறு மாநிலங்களில் தியேட்டர்கள் மீண்டும் மூடப்பட்டன.
தற்போது கொரோனா பரவல் குறைந்து வருவதால் அதற்கேற்ப படிப்படியாக பல்வேறு மாநிலங்கள் தளர்வுகளை அளித்து வருகின்றன. அந்த வகையில், டெல்லியில் வருகிற திங்கள்கிழமை முதல் திரையரங்குகள் இயங்க அம்மாநில அரசு அனுமதி அளித்துள்ளது. 50 சதவீத இருக்கைகளுடன் தியேட்டர்கள் இயங்க அனுமதி அளிக்கப்பட்டுள்ளது.அதேபோல், மெட்ரோ ரயில், பேருந்துகள் 100 சதவீதம் இயங்கவும் டெல்லி அரசு அனுமதி அளித்துள்ளது. இந்த தளர்வுகள் வருகிற திங்கள்கிழமை முதல் அமலுக்கு வருகின்றன.
No comments:
Post a Comment