கேரளாவில் 14 பேருக்கு "ஜிகா" வைரஸ்: அமைச்சர் வீணா ஜார்ஜ்
கேரள மாநிலத்தில், 14 பேருக்கு ஜிகா வைரஸ் பாதிப்பு கண்டறியப்பட்டுள்ளதாக, அம்மாநில சுகாதாரத் துறை அமைச்சர்வீணா ஜார்ஜ் தெரிவித்துள்ளார்.
தமிழகம், கர்நாடகா, ஆந்திரா உள்ளிட்ட பெரும்பாலான மாநிலங்களில், கொரோனா வைரஸ் தொற்றின் இரண்டாவது அலையின் தாக்கம் குறைந்து வரும் நிலையில், கேரள மாநிலத்தில் மட்டும் இரண்டாவது அலையின் தாக்கம் குறையவில்லை.
தினசரி கொரோனா பாதிப்பு 10 ஆயிரத்திற்கும் மேல் உள்ளதால், கேரள மாநிலத்தில், பல கட்டுப்பாடுகள் விதிக்கப்பட்டுள்ளன. கொரோனா ஒரு பக்கம் அச்சுறுத்தி வரும் நிலையில், தற்போது, கேரள மாநிலத்தில், ஜிகா வைரஸ் பாதிப்பு அதிகரித்து வருவது அம்மாநில மக்களை அச்சமடைய செய்துள்ளது.
இந்நிலையில், திருவனந்தபுரத்தில் கேரள மாநில சுகாதாரத் துறை அமைச்சர் வீணா ஜார்ஜ் செய்தியாளர்களிடம் கூறியதாவது:
ஜிகா வைரசால் பாதிக்கப்பட்டவர்களின் எண்ணிக்கை 14 ஆக அதிகரித்துள்ளது. இதை கண்காணிக்க பல்வேறு நடவடிக்கைகள் எடுக்கப்பட்டுள்ளன. கொரோனா வைரசை கட்டுப்படுத்த மாநில அரசு தீவிர தடுப்பு நடவடிக்கைகளை எடுத்து வருகிறது.ஆக்சிஜன் பற்றாக்குறை காரணமாக மாநிலத்தில் இதுவரை யாரும் உயிரிழக்கவில்லை. உலக சுகாதார அமைப்பு, இந்திய மருத்துவ ஆராய்ச்சிக் கவுன்சில் வெளியிட்டுள்ள வழிகாட்டு நெறிமுறைகளை பின்பற்றி வருகிறோம். கொரோனா உயிரிழப்பை மறைக்கவில்லை. அனைத்து தகவல்களிலும் வெளிப்படைத்தன்மையுடன் செயல் ஆற்றி வருகிறோம்.
No comments:
Post a Comment