ஜூலை 16 முதல் 9 - 12ம் வகுப்புகளுக்கு பள்ளிகள் திறப்பு! மாநில அரசு அனுமதி! - TAMIL BOOKS FREE PDF

tamil books and story reading portal

Post Top Ad

Friday, July 9, 2021

ஜூலை 16 முதல் 9 - 12ம் வகுப்புகளுக்கு பள்ளிகள் திறப்பு! மாநில அரசு அனுமதி!

ஜூலை 16 முதல் 9 - 12ம் வகுப்புகளுக்கு பள்ளிகள் திறப்பு! மாநில அரசு அனுமதி!


ஹரியானா மாநிலத்தில், கொரோனா பரவல் குறைந்து வருவதை அடுத்து, வரும் 16-ம் தேதி முதல், 9ம் வகுப்பு முதல் 12-ம் வகுப்பு வரையிலான மாணவர்களுக்கு பள்ளிகளைத் திறக்க அம்மாநில அரசு உத்தரவிட்டுள்ளது.
இந்தியாவில் கொரோனா வைரஸ் தொற்றின் இரண்டாவது அலையின் தாக்கம் காரணமாக, கடந்த ஜனவரி மாதம் முதல் பள்ளிகள், கல்லூரிகள் மற்றும் கல்வி நிறுவனங்கள் மூடப்பட்டுள்ளன. மாநில அரசுகளின் முழு ஊரடங்கு போன்ற நடவடிக்கைகளால், கொரோனா பரவல் தற்போது படிப்படியாக குறைந்து வருகிறது.

இதன் காரணமாக ஊரடங்கில் பல்வேறு தளர்வுகள் அறிவிக்கப்பட்டுள்ளன. ஒருசில மாநிலங்களில், நிர்வாகப் பணிகளுக்காகவும், 10 மற்றும் 12-ம் வகுப்பு மாணவர்களுக்காகவும் பள்ளிகள் திறக்கப்பட்டுள்ளன.
இந்நிலையில், ஹரியானா மாநில கல்வித் துறை அமைச்சர் கன்வர் பால் செய்தியாளர்களிடம் கூறியதாவது:
மாநிலத்தில் கொரோனா பரவல் குறைந்து வருகிறது. இதன் காரணமாக, வரும் 16ம் தேதி முதல், கொரோனா தடுப்பு நடவடிக்கைகளை பின்பற்றி, 9-ம் வகுப்பு முதல் 12-ம் வகுப்பு வரையிலான மாணவர்களுக்கு பள்ளிகளைத் திறக்க அனுமதி அளிக்கப்படுகிறது. கொரோனா பரவல் இதே போல் கட்டுக்குள் இருந்தால் மற்ற வகுப்பினருக்கும் பள்ளிகள் திறப்பது குறித்து உரிய முடிவெடுக்கப்படும்.
இவ்வாறு அவர் கூறினார்.

No comments:

Post a Comment

Post Top Ad