வரும் ஆகஸ்ட் 1 முதல் இது கட்டாயம்; வெளியான அதிரடி உத்தரவு!
தமிழகத்தில் கடந்த 2007ஆம் ஆண்டு கட்டாய ஹெல்மெட் சட்டம் அமலுக்கு வந்தது. அதன்படி, இருசக்கர வாகனங்களை ஓட்டிச் செல்வோரும், பின்னால் அமர்ந்து செல்வோரும் கட்டாயம் ஹெல்மெட் அணிந்து செல்ல வேண்டும். இந்த சட்டம் அமலில் இருந்தாலும் முறையாக பின்பற்றப்படவில்லை. இதையடுத்து 2015ஆம் ஆண்டு கட்டாய ஹெல்மெட் அணிந்து செல்வதை உறுதி செய்ய வேண்டும் என்று சென்னை உயர் நீதிமன்றம் உத்தரவிட்டது.
நீலகிரியில் அதிரடி உத்தரவு
அதன்பிறகு தமிழக அரசு அதிகாரப்பூர்வ அறிவிப்பு வெளியிட்டது. தற்போது கொரோனா பரவல் காரணமாக பிறப்பிக்கப்பட்டிருந்த ஊரடங்கால் கட்டாய ஹெல்மெட் விஷயத்தில் பலரும் அலட்சியம் காட்டும் போக்கு அதிகரித்துள்ளது. இதனை கருத்தில் கொண்டு நீலகிரி மாவட்ட போலீஸ் சூப்பிரண்டு ஆஷிஷ் ராவத் அறிவிப்பு ஒன்றை வெளியிட்டுள்ளார்.
அதிகரிக்கும் விபத்துகள்
அதில், மோட்டார் வாகனச் சட்டத்தின் படி இருசக்கர வாகனங்களில் செல்பவர்கள் கட்டாயம் ஹெல்மெட் அணிய வேண்டும். இதனை அலட்சியம் செய்வதால் விபத்துகளும், உயிரிழப்புகளும் ஏற்படுகின்றன. பெரும்பாலும் ஹெல்மெட் அணியாமல் சென்று விபத்தில் சிக்கி தலையில் காயம் உண்டாவதால் உயிரிழப்புகள் ஏற்படுவதாக புள்ளிவிவரங்கள் கூறுகின்றன.
காவல்துறைக்கும் கட்டாயம்
இனிவரும் காலங்களில் இத்தகைய விஷயத்தை தவிர்க்க வேண்டும். வரும் ஆகஸ்ட் ஒன்றாம் தேதி முதல் நீலகிரியில் இருசக்கர வாகனங்களில் செல்பவர்கள் இருவரும் ஹெல்மெட் அணிய வேண்டும் என்பது கட்டாயமாக்கப்படுகிறது. ஹெல்மெட் சரியான முறையில் லாக் செய்யப்பட்டிருக்க வேண்டும். ஹெல்மெட் ஐ.எஸ்.ஐ முத்திரையுடன் இருக்க வேண்டும்.இதனை காவல்துறை மற்றும் அரசு ஊழியர்களும் கண்டிப்பாக பின்பற்ற வேண்டும். வரும் ஆகஸ்ட் ஒன்றாம் தேதி முதல் பொதுமக்கள், காவல்துறை மற்றும் இதர அரசு ஊழியர்கள் ஹெல்மெட் அணியாமல் சென்றால் கட்டாயம் நடவடிக்கை எடுக்கப்படும். இந்த உத்தரவிற்கு அனைத்து தரப்பினரும் ஒத்துழைப்பு வழங்க வேண்டும் என்று கேட்டுக் கொள்ளப்பட்டுள்ளது.
No comments:
Post a Comment