எல்லாத்தையும் திமுககாரங்க எடுத்துக்குறாங்களாம்... தடுப்பூசி பற்றாக்குறைக்கு பாஜக அண்ணாமலை ஸ்மார்ட் விளக்கம்!

எல்லாத்தையும் திமுககாரங்க எடுத்துக்குறாங்களாம்... தடுப்பூசி பற்றாக்குறைக்கு பாஜக அண்ணாமலை ஸ்மார்ட் விளக்கம்!

கொரோனா தடுப்பூசி தட்டுப்பாடு காரணமாக பொதுமக்களுக்கு இதனை முழுவீசச்சில் செலுத்த முடியாத நிலை தொடர்ந்து கொண்டிருக்கிறது.

இதற்கு மத்திய அரசு தமிழகத்துக்கு போதுமான தடுப்பூசிகளை ஒதுக்கவில்லை என்று தமிழக அரசு குற்றம்சாட்டி வருகிறது. மாதந்தோறும் தமிழகத்துக்கு போதுமான தடுப்பூசிகள் வழங்கப்பட்டு கொண்டுதான் இருக்கிறது.

ஆனால் அவற்றை உரிய நேரத்தில் பொதுமக்கள் செலுத்தாமல் வீணடிப்பதால்தான் தடுப்பூசி பற்றாக்குறை ஏற்படுகிறது என்று பாஜகவினர் பதிலடி தருவதுமாக உள்ளது.

இந்த நிலையில், தமிழகத்தில் நிலவும் தடுப்பூசி பற்றாக்குறைக்கு திமுககாரங்கதான் காரணம் என்று பாஜக மாநில தலைவர் அண்ணாமலை க்ளவராக விளக்கம் அளித்துள்ளார்.

இதுதொடர்பாக திருச்சியில் செய்தியாளர்களிடம் இன்று அவர் கூறும்போது, " தமிழகத்திற்கு தேவையான அளவிற்கு அதிகமாகவே தடுப்பூசிகள் வழங்கப்பட்டுள்ளன. ஆனால் அவற்றில் 70 சதவீத தடுப்பூசியை திமுகவினர் பெற்று கட்சியினருக்கு செலுத்துகின்றனர்.

இதன் காரணமாக 30 சதவீத தடுப்பூசி மட்டுமே பொதுமக்களை சென்றடைகிறது. ஆயினும் திமுகவினர் இதனை மறைத்து பற்றாக்குறை என்று கூறி வருகின்றனர்" என்று அண்ணாமலை சூப்பர் விளக்கம் அளித்துள்ளார்.