போலீஸ் என்கவுன்ட்டர் லிஸ்ட்டில் 42 ரவுடிகள்... திருச்சி சாமியார் சொன்ன திடுக்கிடும் தகவல்!
திருச்சி மாவட்டம் அல்லித்துறை வன்னியம்மன் கோவில் அருகில் வசித்து வருபவர் பாலசுப்பிரமணியன் என்கிற தேஜஸ் சுவாமிகள் (31). கடந்த 4 வருடமாக அங்கு வசிக்கும் பாலசுப்பிரமணியன் தன்னைத் தானே சாமியார் என கூறிக்கொண்டு வருகிறார்.
இந்த நிலையில் சாமியார் பாலசுப்பிரமணியன் வக்கீல் ஒருவருடன் பேசும் ஆடியோ வெளியாகி வைரலானது.
அதில், 'தனக்கு உயர் அதிகாரிகள் பழக்கம் இருப்பதாகவும், தமிழகத்தில் 42 ரவுடிகள்; அதில் டெல்டா மாவட்டங்களில் மட்டும் 12 ரவுடிகள் என்கவுண்டர் லிஸ்ட்டில் இருக்கிறார்கள்' என்று அவர் திடுக்கிடும் தகவலை கூறியுள்ளார்.
'திருச்சியைச் சேர்ந்த ரவுடிகள் சிலர் தன்னை வந்து பார்த்தாகவும் ஆடியோவில் கூறியுள்ள பாலசுப்பிரமணியன், அவர்களிடம் உங்களுக்கு வேண்டப்பட்ட ரவுடியை பார்த்து இருக்க சொல்லுமாறும் அறிவுறுத்தியுள்ளேன்' எனவும் கூலாக தெரிவித்துள்ளார்.
'சைரன் வைத்த காரில் அமைச்சர் சேகர்பாபுவை போய் சந்தித்தேன்' என்றும் மற்றொரு ஆடியோவில் அவர் தெரிவித்துள்ளார்
சாமியாரின் சர்ச்சைக்குரிய ஆடியோ பேச்சுகள் தொடர்பாக, ஜீயபுரம் டிஎஸ்பி செந்தில்குமார மற்றும் போலீசார் அவரிடம் தொடர்ந்து தீவிர விசாரணை நடத்திய வருகின்றனர்.
No comments:
Post a Comment