மெட்ரோ திட்டத்தை வேகப்படுத்துங்கள்: முதல்வர் போட்ட உத்தரவு
முதல்வர் மு.க.ஸ்டாலின் துறைகள் வாரியாக செயல்பாட்டில் உள்ள திட்டங்கள், புதிய திட்டங்கள் குறித்து ஆய்வு செய்து வருகிறார். தமிழ்நாடு பட்ஜெட் விரைவில் சட்டப்பேரவையில் தாக்கல் செய்யப்பட உள்ளநிலையில் இந்த கூட்டம் முக்கியத்துவம்பெறுகிறது.
அந்த வகையில் வருவாய், சிறப்பு முயற்சிகள் துறைகள் தொடர்பானஆய்வுக்கூட்டங்கள் தலைமைச் செயலகத்தில் நடைபெற்றன. கூட்டத்தில், அமைச்சர் கே.கே.எஸ்.எஸ்.ஆர்.ராமச்சந்திரன், தலைமைச் செலயர் வெ.இறையன்பு, நிதித்துறை செயலர் ச.கிருஷ்ணன், வருவாய் நிர்வாக ஆணையர் பணீந்திரரெட்டி, சிறப்பு முயற்சிகள் துறை செயலர் விபு நய்யர், மெட்ரோ ரயில் நிறுவன மேலாண் இயக்குநர் பிரதீப் யாதவ், வருவாய்த் துறை செயலர் குமார் ஜெயந்த் உள்ளிட்டோர் பங்கேற்றனர்.
ஆய்வுக் கூட்டத்தில் முதல்வர் மு.க.ஸ்டாலின், “தாமதமின்றி மக்களின் கோரிக்கைகளை தீர்த்துவைக்க வேண்டும். 'உங்கள் தொகுதியில் முதல்வர்' துறையால் பெறப்பட்டுள்ள மனுக்கள் மீது உடனடியாக தீர்வு காண வேண்டும்” என கூறினார்.
மேலும் அவர், “இணையம் வாயிலாக துரிதமாக துறை சார்ந்த சான்றிதழ்களை வழங்க வேண்டும். பேரிடர் மேலாண்மை நிர்வாக அமைப்பை வலுப்படுத்துவதுடன், மாநில நீர்த்தேக்கங்களின் கொள்ளளவை தினசரி கண்காணித்து, வடிநிலப்பகுதிகளுக்கு வெள்ள அபாய எச்சரிக்கைகளை உடனுக்குடன் தெரிவிக்கும் வகையில் நிகழ்நேர வெள்ள முன்கணிப்பு அமைப்பு ஏற்படுத்த வேண்டும்.
No comments:
Post a Comment