ஸ்டாலின் ஓடிச் சென்று சந்தித்தது இதற்கு தானா? விஜயகாந்த் ரியாக்ஷன் என்ன?
அரசியல் அரங்கில் எந்த சந்திப்புக்குப் பின்னாலும் நேரடியான காரணம் ஒன்று இருந்தாலும் மறைமுகமாக ஏதேனும் காரணம் ஒளிந்திருக்கும். அந்த வகையில் கடந்த ஞாயிறு அன்று முதல்வர் மு.க.ஸ்டாலின் தேமுதிக தலைவர் விஜயகாந்தை அவரது வீட்டிற்கு சென்று சந்தித்தது குறித்து முக்கிய தகவல்கள் வெளியாகியுள்ளன.
சட்டமன்றத் தேர்தலில் திமுக தனிப்பெரும்பான்மையுடன் வெற்று பெற்று ஆட்சியமைத்தது. அக்கூட்டணி 159 இடங்களைப் பெற்றது. இருப்பினும் ஸ்டாலின் 180க்கு மேலான இடங்களை எதிர்பார்த்தார். கொங்கு மண்டலம் கை கொடுக்காததால் அந்த எண்ணிக்கையை அடையமுடியாமல் போனது.
ஆட்சிக்கு வந்த கையோடு உள்ளாட்சித் தேர்தலை எதிர்கொள்ள வேண்டியுள்ளது. வழக்கமாக உள்ளாட்சித் தேர்தலைப் பொறுத்தவரை ஆளுங்கட்சியின் கையே ஓங்கியிருக்கும். அந்த வகையில் தனது பிடியை நழுவ விட்டுவிடக்கூடாது என ஸ்டாலின் கவனமாக இருக்கிறார். கொங்கு மண்டலத்தை சமாளிக்க மாற்று கட்சியிலிருந்து தங்கள் கட்சிக்கு வருபவர்கள் மூலம் காரியம் சாதிக்க திட்டமிட்டுள்ளார் ஸ்டாலின்.
No comments:
Post a Comment