டூவீலரில் கண்ணாடிகளை நீக்கினால் வாரண்டி இல்லை; புதிய உத்தரவு!
வாகனங்களில் பின்னால் வரும் வாகனங்களை பார்க்கும் வகையில் ரியர்வியூ எனப்படும் கண்ணாடிகள் பொருத்தப்படுகின்றன. இவற்றை வாகன ஓட்டிகள் தங்களது தேவைக்கேற்ப மாற்றிக் கொள்கின்றனர். குறிப்பாக இருசக்கர வாகனங்களில் பலர் கண்ணாடிகளை அகற்றிவிடுகின்றனர். இதனால் வளைவுகளிலும், பிற வாகனங்களை முந்தும் போதும் என எதிர்பாராத விபத்துகள் ஏற்பட்டு விடுகின்றன.
உயர் நீதிமன்றத்தில் வழக்கு
இது உயிரை பறிக்கும் அளவிற்கு கூட சென்றுவிடுகிறது. எனவே இருசக்கர வாகனங்களில் ரியர்வியூ கண்ணாடிகளை கட்டாயம் பொருத்த வேண்டும் என்று சமூக ஆர்வலர்கள் தொடர்ந்து வலியுறுத்தி வருகின்றனர். இந்நிலையில் சென்னை உயர் நீதிமன்றத்தில் திருச்செந்தூரை சேர்ந்த வழக்கறிஞர் ராம்குமார் ஆதித்தன் என்பவர் வழக்கு தொடர்ந்திருந்தார்
தலைமை நீதிபதி அமர்வில் விசாரணை
அதில், தமிழ்நாடு மாநில மோட்டார் வாகனச் சட்டப்படி, கண்ணாடிகள் இல்லாமல் இருசக்கர வாகனங்களை இயக்குவோருக்கு 500 ரூபாய் அபராதம் விதித்து உத்தரவிட வேண்டும் என்று கோரிக்கை விடுக்கப்பட்டது. இந்த வழக்கு தலைமை நீதிபதி சஞ்சிவ் பானர்ஜி அடங்கிய அமர்வு முன்பு இன்று விசாரணைக்கு வந்தது.
No comments:
Post a Comment