தமிழகத்தில் மேலும் 5 ஐ.ஏ.எஸ்., அதிகாரிகள் பணியிட மாற்றம்!
தமிழகத்தில், மேலும் 5 ஐ.ஏ.எஸ்., அதிகாரிகளை பணியிட மாற்றம் செய்து தமிழக அரசு உத்தரவிட்டுள்ளது.
தமிழக முதலமைச்சராக, தி.மு.க. தலைவர் மு.க. ஸ்டாலின் பதவி ஏற்றதிலிருந்து, அடுத்தடுத்து ஐ.ஏ.எஸ்., - ஐ.பி.எஸ்., அதிகாரிகள் அதிரடியாக மாற்றப்பட்டு வருகின்றனர். இதுவரை நூற்றுக்கணக்கான அதிகாரிகள் பணியிட மாற்றம் செய்யப்பட்டுள்ள நிலையில், இன்று மேலும், ஐந்து ஐ.ஏ.எஸ்., அதிகாரிகளை பணியிட மாற்றம் செய்து தமிழக அரசு உத்தரவிட்டுள்ளது.
இது தொடர்பாக, தமிழக அரசின் தலைமை செயலாளர் இறையன்பு வெளியிட்டுள்ள அறிக்கையில் தெரிவிக்கப்பட்டு உள்ளதாவது:
தொழிலாளர் நல ஆணையராக முனியநாதன்; தொழில் துறை சிறப்பு செயலாளராக லில்லி ஆகியோர் நியமனம் செய்யப்பட்டுள்ளனர். இதைப் போல், நுகர்பொருள் வாணிபக் கழக மேலாண் இயக்குனராக, சங்கீதா; தொழில் வழிகாட்டி மற்றும் ஏற்றுமதி மேம்பாட்டு பிரிவு மேலாண் இயக்குனராக, பூஜா குல்கர்னி, தமிழ்நாடு சாலைகள் திட்டப் பணி இயக்குனராக, பி. கணேசன் ஆகியோர் நியமனம் செய்யப்பட்டுள்ளனர். இவ்வாறு அறிக்கையில் தெரிவிக்கப்பட்டு உள்ளது.
No comments:
Post a Comment