தமிழகத்தில் தியேட்டர்கள் திறப்பு எப்போது? அமைச்சர் சொன்ன தகவல்..!

தமிழகத்தில் தியேட்டர்கள் திறப்பு எப்போது? அமைச்சர் சொன்ன தகவல்..!

தமிழகத்தில் திரையரங்குகள் திறப்பது குறித்து ஆலோசித்து தான் முடிவெடுக்க முடியும் என, செய்தித் துறை அமைச்சர் சாமிநாதன் தெரிவித்து உள்ளார்.

தமிழகத்தில், கொரோனா வைரஸ் தொற்றின் இரண்டாவது அலை காரணமாக, தளர்வுகளுடன் கூடிய ஊரடங்கு அமல்படுத்தப்பட்டு கடைபிடிக்கப்பட்டு வருகிறது. இதன் காரணமாக, தியேட்டர்கள், நீச்சல் குளங்கள் உள்ளிட்டவை தொடர்ந்து மூடப்பட்டுள்ளன. தற்போது கொரோனா பரவல் குறைந்துள்ளதால், திரையரங்குகளை மீண்டும் திறக்க தமிழக அரசு அனுமதி அளிக்க வேண்டும் என திரையரங்கு உரிமையாளர்கள் கோரிக்கை விடுத்துள்ளனர்.

இந்நிலையில், சென்னை கிண்டியில் உள்ள காந்தி மண்டபத்தில் நடைபெற்று வரும் பராமரிப்பு பணிகளை செய்தித் துறை அமைச்சர் சாமிநாதன் இன்று ஆய்வு மேற்கொண்டார். இதன் பின் செய்தியாளர்களிடம் அவர் பேசியதாவது:

கொரோனா பரவலை கருத்தில் கொண்டு காந்தி மண்டபத்தில் பொது மக்களை அனுமதிப்பது குறித்து முடிவு எடுக்கப்படும். கொரோனா மூன்றாவது அலை குறித்து எச்சரிக்கை விடுக்கப்பட்டுள்ளதால், திரையரங்குகளை திறப்பது குறித்து ஆலோசனைக்கு பிறகே முடிவெடுக்க முடியும். இது குறித்து முதலமைச்சர் நல்ல முடிவு அறிவிப்பார்.

இவ்வாறு அவர் கூறினார்.