நடிகர் விஜய் கேட்டது அவரது உரிமை: ஆமாம் அவர் எங்கள் ஜோசப் விஜய்தான் - வலுக்கும் ஆதரவு!

நடிகர் விஜய் கேட்டது அவரது உரிமை: ஆமாம் அவர் எங்கள் ஜோசப் விஜய்தான் - வலுக்கும் ஆதரவு!

நடிகர் விஜய் இங்கிலாந்தில் இருந்து இறக்குமதி செய்த ரோல்ஸ் ராயல்ஸ் காருக்கு வரி குறைப்பு சென்னை உயர் நீதிமன்றத்தில் மனுத்தாக்கல் செய்தார். இந்த வழக்கை விசாரித்த சென்னை உயர் நீதிமன்றம், மனுவை தள்ளுபடி செய்தத்துடன் அவருக்கு ரூ.1 லட்சம் அபராதமும் விதித்தது. அந்த அபராதத் தொகையை முதல்வரின் கொரோனா நிவாரண நிதிக்கு வழங்க வேண்டும் என்றும் உத்தரவிட்டது.

மேலும், வரி என்பது நன்கொடையல்ல, கட்டாய பங்களிப்பு. சமூக நீதிக்கு பாடுபடுவதாக பிரதிபலிக்கும் நடிகர்கள் வரி விலக்கு கோருவதை ஏற்க முடியாது. நடிகர்கள் ரியல் ஹுரோவாக இருக்க வேண்டுமே தவிர ரீல் ஹீரோவாக இருக்க கூடாது என்றும் நீதிமன்றம் கடுமையாக சாடியது.

இதையடுத்து, இந்த விவகாரம் பேசு பொருளாகியது. சமூக வலைதளங்களில் விஜய்க்கு ஆதரவாகவும், எதிராகவும் கருத்துகள் பகிரப்பட்டன. விஜய் ஏதோ வரி ஏய்ப்பு செய்து விட்டார் என்பது போல சிலர் விமர்சனங்களை முன் வைத்தனர். விஜய்க்கு எதிராக மீண்டும் ஜோசப் விஜய் என்ற ஹேஷ்டேக்குகள் ட்ரெண்ட் செய்யப்படுகின்றன.

ஆனால், நடிகர் விஜய் கேட்டது அரசியலமைப்பு சட்டத்தின்படி அவரது உரிமையாகும். சேவை வரி, கஸ்டம்ஸ் வரி, இறக்குமதி வரி எல்லாவற்றையும் கட்டி விட்டேன் ஆனால் extraordinary entry tax - நுழைவு வரி என்பதை கேட்கிறார்கள். அது குறித்த விளக்கமும், விலக்கும் கேட்டுத்தான் நீதிமன்றத்தை நாடினார் நடிகர் விஜய். அதுவும், அரசியல்சாசம் அனுமதிக்கும் பிரிவு 226இன் படியே அவர் நீதிமன்றத்தை நாடினார். மேலும், விஜய் கேட்டது வரி குறைப்புதான் தவிர, வரியே கட்ட மாட்டேன் என்று கூறவில்லை. வரி குறைப்பு கேட்பதற்கும், வரி எய்ப்பு செய்வதற்கும் ஏராளமான வித்தியாசங்கள் உள்ளன.இந்திய குடிமக்கள் யாராக இருந்தாலும் வரி குறைப்பு கேட்டு முறையிடுவது அவர்களது உரிமை. அவர்களை நடிகர் என்று பார்ப்பது தவறு என்று எம்.பி. கார்த்தி சிதம்பரம் விஜய்க்கு ஆதரவாக கருத்து தெரிவித்துள்ளார். “ஆமாம் அவர் எங்களது ஜோசப் விஜய் தான்” என்று நெட்டிசன்கள் விஜய்க்கு ஆதரவாக கருத்துகளை தெரிவித்து வருகின்றனர்.