ஸ்டாலினை கேட்க ஒரு நொடி ஆகாது: ஈபிஎஸ் ஆவேசம்! - TAMIL BOOKS FREE PDF

tamil books and story reading portal

Post Top Ad

Wednesday, July 14, 2021

ஸ்டாலினை கேட்க ஒரு நொடி ஆகாது: ஈபிஎஸ் ஆவேசம்!

ஸ்டாலினை கேட்க ஒரு நொடி ஆகாது: ஈபிஎஸ் ஆவேசம்!


நீட் தேர்வு தாக்கம் குறித்து ஆராய அமைக்கப்பட்ட குழுவை ரத்து செய்ய வேண்டும் என்ற பாஜக மனுவை சென்னை உயர் நீதிமன்றம் தள்ளுபடி செய்துள்ளது. இந்தத் தீர்ப்புக்கு திமுக உள்ளிட்ட பல்வேறு கட்சிகள் மட்டுமல்லாமல் பொதுமக்களிடையேயும் வரவேற்பு கிடைத்துள்ளது.

இது தொடர்பாக முதல்வர் ஸ்டாலின் வெளியிட்டுள்ள அறிக்கையில், அதிமுகவை கடுமையாக சாடியிருந்தார். ஆட்சியை இழந்த பிறகும் பாஜகவின் பாதம் தாங்கி அடிமை சேவகம் செய்யும் அதிமுகவின் இணை ஒருங்கிணைப்பாளர் பழனிசாமி, இந்தக் குழுவையே நாடகம் என்று சொன்னதாக விமர்சித்துள்ள ஸ்டாலின், “நீட் தேர்வுக்கு எதிராகத் தீர்மானம் போடுவதுபோல நாங்கள் போடுகிறோம்; நீங்கள் அதைக் குப்பையில் போடுங்கள்' என்று பாஜகவுடன் திரைமறைவு ஒப்பந்த நாடகம் நடத்தி சட்டமன்றத்தை ஏமாற்றியவர் எடப்பாடி பழனிசாமி” என்றும் தெரிவித்தார்.

நீட் தேர்வுக்கு எதிராக பாஜக மனு தாக்கல் செய்ததை ஒரு வரி கூட கண்டிக்க தைரியம் இல்லாத பழனிசாமி, மாணவர் நலன் கருதி திமுக அரசு மேற்கொண்ட நடவடிக்கைகளை குறை கூறினார். நீட் தேர்வுக்கு எதிரானவன்தான் நான் என்று பழனிசாமி சொல்லிக் கொள்வதைப் போல கபடநாடகம் வேறு இருக்க முடியுமா என்றும் ஸ்டாலின் கேள்வி எழுப்பியிருந்தார்.

இந்த நிலையில், எங்களை பாதம் தாங்கிகள், பாஜகவின் அடிமைகள் என முதல்வர் ஸ்டாலின் விமர்சித்துள்ளார். பாஜக கூட்டணியில் அங்கம் வகித்தப்போது திமுகவினர் எதை தாங்கிக்கொண்டிருந்தனர் என திருப்பி கேட்க எங்களுக்கு ஒரு நொடி ஆகாது என்று எடப்பாடி பழனிசாமி காட்டம் தெரிவித்துள்ளார்

No comments:

Post a Comment

Post Top Ad