ஜெயலலிதா நினைவிடம் செல்ல தேதி குறிச்ச சசிகலா! - TAMIL BOOKS FREE PDF

tamil books and story reading portal

Post Top Ad

Thursday, July 15, 2021

ஜெயலலிதா நினைவிடம் செல்ல தேதி குறிச்ச சசிகலா!

ஜெயலலிதா நினைவிடம் செல்ல தேதி குறிச்ச சசிகலா!



பெங்களூரு சிறையில் இருந்து சென்னை திரும்பியதும் அதிமுக நிர்வாகிகள், முக்கிய அமைச்சர்கள் சசிகலா பக்கம் வருவார்கள் என எதிர்பார்க்கப்பட்டது. பெங்களூரிலிருந்து சாலை மார்க்கமாக சென்னை வந்த சசிகலாவுக்கு வழியெங்கும் உற்சாக வரவேற்பு அளிக்கப்பட்டது. தீவிர அரசியலில் ஈடுபடப்போவது உறுதி என அந்த பயணத்தில் சொன்னவர், அடுத்த சில வாரங்களில் அரசியலிலிருந்து ஒதுங்குவதாக அறிவித்தார்.

இதனிடையே, சசிகலா அதிமுக தொண்டர்களிடையே பேசும் ஆடியோக்கள் அடுத்தடுத்து வெளியாகி வருகின்றன. இது அக்கட்சியின் தற்போதைய மேலிடத்திற்கு சற்று கலக்கத்தை ஏற்படுத்தியுள்ளது. சசிகலாவுடன் செல்போனில் பேசியவர்கள் கட்சியின் அடிப்படை உறுப்பினர் உள்ளிட்ட அனைத்து பொறுப்புகளில் இருந்தும் நீக்கப்பட்டு வருகின்றனர். அதுதவிர, சசிகலாவுக்கு எதிராக மாவட்டம் தோறும் தீர்மானம் நிறைவேற்றப்பட்டு கட்சித் தலைமைக்கு அனுப்பப்பட்டு வருகின்றன.


ஆனாலும், சசிகலா விடுவதாயில்லை. தொடர்ந்து ஆடியோக்களை வெளியிட்டு வருகிறார். தன் முதுகில் குத்தி விட்டனர் என்றும் சசிகலா வேதனை தெரிவித்துள்ளார். அதேசமயம், சசிகலா இதுவரை ஜெயலலிதா நினைவிடத்துக்கு செல்லாமல் இருந்தது விமர்சனத்துக்கு உள்ளாகியது. முந்தைய அதிமுக அரசு பல்வேறு தடைகளை ஏற்படுத்தினாலும், தற்போது ஆட்சி மாற்றம் ஏற்பட்டும் கூட சசிகலா ஜெயலலிதா நினைவிடத்துக்கு செல்லவில்லை என்ற குற்றச்சாட்டு முன்வைக்கப்பட்டது.

இதனிடையே, ஊரடங்கில் அளிக்கப்படும் தளர்வுகளை பொறுத்து, ஜெயலலிதா நினைவிடத்தில் மரியாதை செலுத்தி மாநிலம் முழுவதும் சுற்றுப்பயணம் செய்து அதிமுக தொண்டர்களை சந்திக்கவுள்ளதாக சசிகலா தெரிவித்தர். இந்த நிலையில், வருகிற 23ஆம் தேதி ஜெயலலிதா நினைவிடம் செல்ல சசிகலா திட்டமிட்டுள்ளதாக தகவல்கள் வெளியாகியுள்ளன.

No comments:

Post a Comment

Post Top Ad