சொகுசு கார் நுழைவு வரி விவகாரம்: மேல் முறையீடு செய்ய விஜய் முடிவு - வழக்கின் முழு பின்னணி!
நடிகர் விஜய் இங்கிலாந்தில் இருந்து இறக்குமதி செய்த ரோல்ஸ் ராயல்ஸ் காருக்கு வரி குறைப்பு சென்னை உயர் நீதிமன்றத்தில் மனுத்தாக்கல் செய்தார். இந்த வழக்கை விசாரித்த சென்னை உயர் நீதிமன்றம், மனுவை தள்ளுபடி செய்தத்துடன் அவருக்கு ரூ.1 லட்சம் அபராதமும் விதித்தது. அந்த அபராதத் தொகையை முதல்வரின் கொரோனா நிவாரண நிதிக்கு வழங்க வேண்டும் என்றும் உத்தரவிட்டது.
மேலும், வரி என்பது நன்கொடையல்ல, கட்டாய பங்களிப்பு. சமூக நீதிக்கு பாடுபடுவதாக பிரதிபலிக்கும் நடிகர்கள் வரி விலக்கு கோருவதை ஏற்க முடியாது. நடிகர்கள் ரியல் ஹுரோவாக இருக்க வேண்டுமே தவிர ரீல் ஹீரோவாக இருக்க கூடாது என்றும் நீதிமன்றம் கடுமையாக சாடியது.
இதையடுத்து, சமூக வலைதளங்களில் விஜய்க்கு ஆதரவாகவும், எதிராகவும் கருத்துகள் பகிரப்பட்டன. விஜய் ஏதோ வரி ஏய்ப்பு செய்து விட்டார் என்பது போல சிலர் விமர்சனங்களை முன் வைத்தனர். ஆனால், “நடிகர் விஜய் கேட்டது அரசியலமைப்பு சட்டத்தின்படி அவரது உரிமையாகும். சேவை வரி, கஸ்டம்ஸ் வரி, இறக்குமதி வரி எல்லாவற்றையும் கட்டி விட்டேன் ஆனால் extraordinary
entry tax - நுழைவு வரி என்பதை கேட்கிறார்கள். அது குறித்த விளக்கமும், விலக்கும் கேட்டு தான் நீதிமன்றத்தை நாடினார் நடிகர் விஜய். அதுவும், அரசியல் சாசனம் அனுமதிக்கும் பிரிவு 226இன் படியே அவர் நீதிமன்றத்தை நாடினார்.
மேலும், விஜய் கேட்டது வரி குறைப்புதான் தவிர, வரியே கட்ட மாட்டேன் என்று கூறவில்லை. வரி குறைப்பு கேட்பதற்கும், வரி எய்ப்பு செய்வதற்கும் ஏராளமான வித்தியாசங்கள் உள்ளன” என்ற கருத்துகளும் விஜய்க்கு ஆதரவாக முன் வைக்கப்படுகின்றன.
வழக்கின் முழு விவரம்
விஜய்யின் வழக்கறிஞர் இந்த வழக்கு தொடர்பாக கூறுகையில், “விஜய் சார்பாக தொடரப்பட்ட வழக்கில் 2012ஆம் ஆண்டு அளிக்கப்பட்ட இடைக்கால உத்தரவின்படி, அதே ஆண்டிலேயே 20 சதவீதம் வரி செலுத்தப்பட்டு விட்டது. முன்னதாக, கேரளாவில் வில்லியம் ஃபெர்னாண்டஸ் என்பவர், நுழைவு வரி தொடர்பாக 1999ஆம் ஆண்டில் தொடர்ந்த வழக்கில் தீர்பளித்த அம்மாநில உயர் நீதிமன்றம், வெளிநாடுகளிலிருந்து இறக்குமதி செய்யப்படும் பொருள்களுக்கு இறக்குமதி வரி கட்டப்பட்டு விட்டதால், அந்தப் பொருள்களுக்கு நுழைவு வரி - entry tax பொருந்தாது என்று தீர்ப்பளித்தது.
No comments:
Post a Comment