விருதுநகரில் கேக் வெட்டி எம்எல்ஏவுடன் மருத்துவர்கள் கொண்டாட்டம்!
தமிழ்நாட்டில் ஆண்டு தோறும் ஜீலை 1ஆம் தேதி உலக மருத்துவர் தினம் கொண்டாடப்படுகிறது. இதற்கிடையே கடந்த ஆண்டு முதல் உலகையே அச்சுறுத்தி வரும் கொரோனா வைரஸை எதிர்த்து மருத்துவர்கள் அர்பணிப்பு உடன் பணியாற்றி வருகின்றனர்.
இந்த நிலையில் விருதுநகர் மாவட்டம் சாத்தூரில் உலக மருத்துவர்கள் தினத்தை முன்னிட்டு புதிய அரசு மருத்துவமனையில் சாத்தூர் சட்டமன்ற உறுப்பினரும் மருத்துவருமான ரகுராமன் தலைமையில் உலக மருத்துவர் தினம் கொண்டாடப்பட்டது.
இந்த நிகழ்ச்சியில் சாத்தூர் மருத்துவமனை தலைமை மருத்துவர் கேசவன் உள்பட அரசு, தனியார் மருத்துவமனை மருத்துவர்கள் மற்றும் செவிலியர்கள் அனைவரும் பங்கேற்றிருந்தனர். கேட்டி வெட்டி ஒருவருக்கொருவர் கேக்குகளை ஊட்டிவிட்டு தங்களது மகிழ்ச்சியை வெளிப்படுத்தினர்.
கொரோனா கால கட்டத்தில் உயிர்களைப் பாதுகாக்கும் மற்றொரு கடவுளாக திகழும் மருத்துவர்கள் போற்றும் விதமாக இன்று மருத்துவர்கள் தினம் உலகம் முழுவதும் கொண்டாடப்பட்டது. சாத்தூர் அரசு மருத்துவமனையில் மருத்துவர் மற்றும் செவிலியர்கள் மருத்துவர் தினம் கொண்டாடிய விதம் நெகிழ்ச்சியை ஏற்படுத்தியது.
No comments:
Post a Comment