தமிழக பா.ஜ.க., - எம்.எல்.ஏ.,க்களுக்கு பிரதமர் மோடி வாழ்த்து!
தமிழக பா.ஜ.க., - எம்.எல்.ஏ.,க்களின் எதிர்கால முயற்சிகள் வெற்றி பெற வேண்டும் என, பிரதமர் நரேந்திர மோடி விருப்பம் தெரிவித்துள்ளார்.
நடந்து முடிந்த தமிழக சட்டப்பேரவைத் தேர்தலில் வெற்றி பெற்ற, பா.ஜ.க., எம்.எல்.ஏ.,க்கள், நயினார் நாகேந்திரன், வானதி சீனிவாசன், எம்.ஆர்.காந்தி, சி.கே.சரஸ்வரி ஆகியோர், தமிழக பா.ஜ.க., தலைவர் முருகன் தலைமையில், டெல்லியில், பிரதமர் நரேந்திர மோடியை சந்தித்து வாழ்த்துப் பெற்றனர்.
இந்த சந்திப்புக்குப் பின்னர், சமூக வலைதளமான ட்விட்டரில், பிரதமர் நரேந்திர மோடி வெளியிட்டுள்ள பதிவில், தமிழக பா.ஜ.க., எம்.எல்.ஏ.,க்கள் தமிழகத்தின் வளர்ச்சிக்கான கண்ணோட்டத்தை பகிர்ந்து கொண்டனர். அவர்களின் எதிர்கால முயற்சிகள் வெற்றி பெற வாழ்த்துகள் என தெரிவித்துள்ளார்.
இதைத் தொடர்ந்து, மத்திய நிதித் துறை அமைச்சர் நிர்மலா சீதாராமனை, தமிழக பா.ஜ.க., தலைவர் எல். முருகனுடன், தமிழக பா.ஜ.க., - எம்.எல்.ஏ.,க்கள் சந்தித்துப் பேசினர்.
No comments:
Post a Comment