சசிகலாவை பங்கமாய் கலாய்த்த ஜெயக்குமார்!
சசிகலா ஆடியோ வெளியிடுவது சாதாரணமாகிவிட்ட நிலையில் அவர் தற்போது பரபரப்பை கிளப்பும் வகையிலான விஷயங்களை பேசி வருகிறார். அந்த வகையில், தூத்துக்குடியை சேர்ந்த ராமசாமி என்பவருடன் சசிகலா பேசிய போது, “எம்ஜிஆரோடு சேர்ந்து பயணித்துள்ளேன்; அது பலருக்கு வெளியே தெரியாது. கட்சி தொடர்பாக பல கருத்துக்களை எம்ஜிஆர் என்னிடம் கேட்டுள்ளார்” என்றார்.
இது அதிமுகவுக்குள் பெரும் சலசலப்பை ஏற்படுத்தியுள்ள நிலையில், இதுகுறித்து கருத்து தெரிவித்த முன்னாள் அமைச்சர் ஜெயக்குமார், “கொஞ்சம் விட்டால் அண்ணாவுக்கே ஆலோசனை கூறினேன் என்பார் சசிகலா” என்று கலாய்த்துள்ளார்.
அரசியலில் ஒதுங்கியிருப்பதாக தெரிவித்த சசிகலா அதிமுக தொண்டர்களிடையே பேசும் ஆடியோக்கள் அடுத்தடுத்து வெளியாகி வருகின்றன. சசிகலாவுடன் செல்போனில் பேசுபவர்களை, அதிமுக தலைமை கட்சியில் இருந்து நீக்கி வருகிறது.
சசிகலாவுக்கு எதிராக பல்வேறு மாவட்டங்களில் தீர்மானம் நிறைவேற்றப்பட்டு தலைமை கழகத்துக்கு அனுப்பி வைக்கப்படுகின்றன. ஆனாலும், சசிகலா தொடர்ந்து ஆடியோக்களை வெளியிட்டு தலைமைக்கு கலக்கத்தை ஏற்படுத்தி வருகிறார் என்பது குறிப்பிடத்தக்கது.
No comments:
Post a Comment