விருதுநகருக்கு உதவி செய்த அமெரிக்க வாழ் தமிழர்கள்: ஆக்சிஜன் பிரச்சினை இனி இருக்காது!
விருதுநகர் மாவட்டம் சாத்தூர் புதிய அரசு மருத்துவமனையை அரசு அதிகாரிகள் மற்றும் பொதுமக்களின் கொரோனா சிறப்பு சிகிச்சை மையமாக செயல்பட்டு வருகிறது. இங்குதான் சாத்தூர் பகுதியில் உள்ள கொரோனா நோயாளிகள் சிகிச்சை பெற்று வருகின்றனர்.
இந்த சூழலில் அமெரிக்க வாழ் தமிழர்கள் மற்றும் சாத்தூர் ரோட்டரி கிளப் சங்கம் இணைந்து சாத்தூர் அரசு மருத்துவமனைக்கு சுமார் 7. 5 லட்சம் மதிப்பிலான ஆக்சிஜன் செறிவூட்டிகளை கொடையாக வழங்கியுள்ளனர்.
இந்த உபகரணங்களை கொடுக்கும் நிகழ்ச்சியில் சாத்தூர் சட்டமன்ற உறுப்பினர் ரகுராமன் சிறப்பு அழைப்பாளராக கலந்து கொண்டார். சாத்தூர் சட்டமன்ற உறுப்பினர் ரகுராமன் மற்றும் சாத்தூர் ரோட்டரி கிளப் நிர்வாகிகள் சாத்தூர் அரசு தலைமை மருத்துவர் கேசவன் மற்றும் மருத்துவக் குழுவிடம் ஆக்சிஜன் செறிவூட்டிகளை வழங்கினர்.
இந்த நிகழ்ச்சியில் சாத்தூர் ஊராட்சி ஒன்றிய சேர்மன் நிர்மலா கடற்கரைராஜ் மற்றும் அரசு மருத்துவமனை மருத்துவர்கள் மற்றும் ஊழியர்கள் என பலர் கலந்து கொண்டனர்.
No comments:
Post a Comment