ஜே.இ.இ., மெயின் தேர்வு: தேதிகளை அறிவித்தது மத்திய அரசு!

ஜே.இ.இ., மெயின் தேர்வு: தேதிகளை அறிவித்தது மத்திய அரசு!

ஜே.இ.இ., மூன்றாம் கட்டத் தேர்வு வரும் 20ம் தேதி முதல் வரும் 25ம் தேதி வரை நடைபெறும் என மத்திய கல்வி அமைச்சர் ரமேஷ் பொக்ரியால் தெரிவித்துள்ளார்.

இந்தியாவில், கொரோனா பரவல் நாளுக்கு நாள் அதிகரித்துக் கொண்டே வந்ததால், ஜே.இ.இ., மெயின் தேர்வுகள் ஒத்தி வைக்கப்பட்டன. இந்நிலையில், ஜே.இ.இ., மெயின் தேர்வுகளுக்கான புது தேதிகளை, மத்திய கல்வி அமைச்சர் ரமேஷ் பொக்ரியால் அறிவித்துள்ளார்.

இதன்படி, ஜே.இ.இ., மெயின் தேர்வின் மூன்றாம் கட்ட தேர்வு, ஜூலை மாதம் 20ம் தேதி முதல் ஜூலை 25ம் தேதி வரை நடைபெறும் என்றும், நான்காம் கட்ட தேர்வு, ஜூலை மாதம் 27ம் தேதி முதல் ஆகஸ்ட் மாதம் 2ம் தேதி வரை நடைபெறும் என்றும் அறிவிக்கப்பட்டு உள்ளது.

எந்தவொரு மாணவர்களும் இதற்கு முன்னர் இந்த தேர்வுக்கு விண்ணப்பிக்கவில்லை என்றால், மாணவ - மாணவிகள் விண்ணப்பிக்க வாய்ப்பு வழங்கப்படும். தேர்வுக்கு விண்ணப்பிக்காதவர்கள் இன்று முதல் வரும் 8ம் தேதி வரை முதல் கட்டத்திற்கு விண்ணப்பிக்கலாம் என்றும் அறிவிக்கப்பட்டு உள்ளது.