பி.ஜி., நீட் தேர்வு தேதியை அறிவித்தது மத்திய அரசு!
முதுகலை மருத்துவப் படிப்பில் சேருவதற்கான நீட் நுழைவுத் தேர்வு வரும் செப்டம்பர் மாதம் 11-ம் தேதி நடத்தப்படும் என மத்திய சுகாதாரத் துறை அமைச்சர் மன்சுக் மாண்டவியா அறிவித்துள்ளார்.
நீட் எனப்படும் இளங்கலை மருத்துவப் படிப்புகளுக்கான நுழைவுத் தேர்வு நாடு முழுவதும் வரும் செப்டம்பர் மாதம் 12-ம் தேதி நடத்தப்படும் என மத்திய கல்வித் துறை அமைச்சர் தர்மேந்திர பிரதான் நேற்று அறிவித்திருந்தார். இதன்படி, நீட் தேர்வுக்கு இன்று முதல் மாணவர்கள் விண்ணப்பித்து வருகின்றனர்.
இந்நிலையில், முதுகலை மருத்துவப் படிப்புகளில் சேர்வதற்கான நீட் நுழைவுத் தேர்வு, வரும் செப்டம்பர் மாதம் 11-ம் தேதி நாடு முழுவதும் கொரோனா தடுப்பு விதிமுறைகளைப் பின்பற்றி நடத்தப்படும் என, பா.ஜ.க.,வைச் சேர்ந்த மத்திய சுகாதாரத் துறை அமைச்சர் மன்சுக் மாண்டவியா, சமூக வலைதளமான ட்விட்டரில் அறிவித்துள்ளார்.
மேலும், தேர்வில் பங்கேற்க உள்ள மாணவர்களுக்கு தனது வாழ்த்துகளையும் அவர் தெரிவித்துள்ளார்.
No comments:
Post a Comment