கொங்குநாடு... பாஜக அண்ணாமலை திருச்சியில் புது விளக்கம்!
தமிழக பாஜக தலைவராக அண்ணாமலை நாளை மதியம் சென்னையில் பொறுப்பேற்க உள்ளார். இதனையொட்டி கரூரில் இருந்து சென்னை செல்லும் வழியில் திருச்சி அண்ணா சிலை அருகே அவருக்கு பாஜக சார்பில் இன்று சிறப்பான வரவேற்பு அளிக்கப்பட இருந்தது.
அப்போது பாஜகவினர் அவரை வரவேற்கும் விதமாக பட்டாசு வெடிக்க முற்பட்டனர். போலீசார் அனுமதி மறுத்ததால் போலீசாருக்கும், பாஜகவினருக்கும் இடையே வாக்குவாதம், தள்ளுமுள்ளு ஏற்பட்டது. ஆனாலும் பாஜகவினர் பட்டாசு வெடித்தனர்.
களேபரங்களுக்து நடுவே நடைபெற்ற வரவேற்பு நிகழ்ச்சியை தொடர்ந்து அண்ணாமலை செய்தியாளர்களிடம் கூறியது:
மேகதாது அணை விவகாரத்தில் தமிழக அரசின் நிலைப்பாட்டிற்கு தமிழக பாஜக எப்போதும் உறுதுனையாக இருக்கும்.
தமிழக பாஜக முன்னாள் தலைவர் முருகன் கொங்கு மண்டலத்தை சேர்ந்தவர் என்பதால் கொங்குநாடு என குறிப்பிட்டார். ஆனால் ஊடகங்கள் அதனை பெரிதுபடுத்துகின்றன.
பொது சிவில் சட்டம் இஸ்லாமியர்களுக்கு எதிரானதல்ல. இஸ்லாமியர்களை பிரித்தாளும் சூழ்ச்சி செய்து அரசியல் செய்பவர்கள் தான் பொது சிவில் சட்டம் அவர்களுக்கு எதிரானது என்ற கருத்தை பரப்பி வருகின்றனர் என்று அண்ணாமலை தெரிவித்தார்.
No comments:
Post a Comment