மின் கட்டணம் கடைசி தேதி - தமிழக மக்களுக்கு இப்படியொரு ஷாக்!

மின் கட்டணம் கடைசி தேதி - தமிழக மக்களுக்கு இப்படியொரு ஷாக்!

தமிழகத்தில் கொரோனா பரவலை கட்டுப்படுத்தும் வகையில் கடந்த மே 10ஆம் தேதி முதல் ஊரடங்கு கட்டுப்பாடுகள் அமல்படுத்தப்பட்டன. இந்த சூழலில் மின் நுகர்வோர்களின் கட்டணம் மற்றும் இதர நிலுவை தொகை செலுத்த கடைசி நாள் மே 10 முதல் 24ஆம் தேதி வரை இருந்தால் மின் துண்டிப்பு, மறு இணைப்பு கட்டணமின்றி கட்டுவதற்கு அனுமதிக்கப்பட்டது.

சிக்கலில் மின்வாரிய ஊழியர்கள்

இதற்காக ஜூன் 15ஆம் தேதி வரை கால அவகாசம் வழங்கப்பட்டது. இதேபோல் சிறு, குறு தொழிற்சாலைகள் கூடுதல் வைப்புத் தொகை செலுத்தவும் அவகாசம் நீட்டிக்கப்பட்டது. இதற்கிடையில் கொரோனா இரண்டாவது அலையை கட்டுக்குள் கொண்டு வர பிறப்பிக்கப்பட்ட ஊரடங்கால் நுகர்வோரின் வீடுகளுக்கு நேரடியாக சென்று மின் பயன்பாட்டை கணக்கெடுக்க இயலாத நிலை ஏற்பட்டது.

எனவே பழைய மற்றும் புதிய நுகர்வோர்கள் மே 2021க்கான கட்டணத்தை மார்ச் 2021ன் கணக்கீட்டின் படி செலுத்தலாம். இந்த மின் கட்டணம் அடுத்து வரும் மாத கணக்கீட்டில் முறைப்படுத்தப்படும் என்று தெரிவிக்கப்பட்டது. ஆனால் எதிர்பாராத வகையில் பலமடங்கு மின் கட்டணம் வசூலிக்கப்படுவதாக குற்றச்சாட்டு எழுந்தது. ஊரடங்கால் வருவாய் பாதிக்கப்பட்டதால் சிலர் குறித்த தேதிக்குள் மின் கட்டணத்தை செலுத்தவில்லை.

மின் துண்டிப்பால் நுகர்வோர் அதிர்ச்சி

இதன் காரணமாக கடைசி தேதியை தாண்டி மின் கட்டணம் செலுத்துவோரிடம் அபராதம் வசூலிக்கப்பட்டது. அப்போது யாருடைய மின் இணைப்புகளும் துண்டிக்கப்படவில்லை. தற்போதைய சூழலில் கடைசியை தேதியை தாண்டியும் சிலர் மின் கட்டணம் செலுத்தாமல் இருப்பதாக தெரிகிறது.