அதிமுகவின் அடுத்த அவைத் தலைவர் யார்? பொன்னையனுக்கு அடிக்கும் ஜாக்பாட்! - TAMIL BOOKS FREE PDF

tamil books and story reading portal

Post Top Ad

Wednesday, July 21, 2021

அதிமுகவின் அடுத்த அவைத் தலைவர் யார்? பொன்னையனுக்கு அடிக்கும் ஜாக்பாட்!

அதிமுகவின் அடுத்த அவைத் தலைவர் யார்? பொன்னையனுக்கு அடிக்கும் ஜாக்பாட்!


அதிமுக அவைத் தலைவர் மதுசூதனன் உடல்நிலை பாதிக்கப்பட்டு மருத்துவமனையில் அனுமதிக்கப்பட்டுள்ளார். எம்ஜிஆர் காலத்திலிருந்தே அதிமுகவில் முக்கிய பதவிகளை அலங்கரித்தவர் மதுசூதனன்.
அதிமுக தற்போது ஓபிஎஸ், இபிஎஸ் தலைமையில் இயங்கி வருகிறது. சசிகலா மீண்டும் கட்சிக்குள் நுழையவுள்ளதாக கூறப்படும் நிலையில் எடப்பாடி பழனிசாமி அதை கடுமையாக எதிர்த்து வருகிறார். இந்த சூழலில் நேற்று அப்பல்லோ மருத்துவமனைக்கு சென்று எடப்பாடி பழனிசாமி மதுசூதனை சந்தித்த போது சசிகலாவும் அங்கு வர அரசியல் பரபரப்பு ஏற்பட்டது.
விரைவில் ஜெயலலிதா நினைவிடத்துக்கு சென்று அஞ்சலி செலுத்திவிட்டு சசிகலா சுற்றுப் பயணத்தை தொடங்கவுள்ளதாக கூறப்படுகிறது. அதிமுகவுக்கு பொதுச்செயலாளர் தான்தான் என சசிகலா என கூற, அவர் கட்சியிலேயே இல்லை என இபிஎஸ் தரப்பு கூற அதிமுகவுக்குள் முட்டல் மோதல் அதிகரித்துள்ளது.
மதுசூதனன் உடல்நிலை மிகவும் நலிவுற்ற நிலையில் அவரால் கட்சிப் பணிகளை தற்போது பார்க்க முடியாது என்பதால் அவைத் தலைவர் பதவியை வேறு யாரிடம் கொடுக்கலாம் என எடப்பாடி பழனிசாமி தரப்பு யோசித்து வருவதாக கூறுகின்றனர். அதிமுகவை கைப்பற்ற சசிகலா நேரடியாக போட்டி போட்டு வரும் நிலையில் அவைத் தலைவர் பதவியில் இருப்பவரின் வாய்ஸ் முக்கியமானது.
அந்தவகையில் அவைத் தலைவராக பொன்னையனை நியமிக்கலாமா என்ற பேச்சு எழுந்துள்ளது. பொன்னையனும் அதிமுகவில் மூத்த உறுப்பினர். எம்ஜிஆர் காலத்திலிருந்து கட்சியில் முக்கிய பொறுப்பில் இருந்து வருகிறார். ஓபிஎஸ், இபிஎஸ் இருவரது குட் புக்கிலும் இடம் பிடித்துள்ளார். தற்போது அதிமுக அமைப்பு செயலாளர், செய்தி தொடர்பாளர் என இரு பொறுப்புகளை வகித்து வருகிறார். எனவே அவரை அவைத் தலைவராக்க முயற்சிகள் நடைபெற்றுவருகிறது என்கிறார்கள் விவரம் அறிந்தவர்கள்.

No comments:

Post a Comment

Post Top Ad