பள்ளிகள் திறப்பு உறுதி: மாணவர்களுக்கு தமிழக அரசு முக்கிய தகவல்..!

பள்ளிகள் திறப்பு உறுதி: மாணவர்களுக்கு தமிழக அரசு முக்கிய தகவல்..!

தமிழகம் முழுவதும் செப்டம்பர் 1ம் தேதி முதல் பள்ளி, கல்லூரிகள் திறக்கப்பட உள்ள நிலையில், தடுப்பூசி செலுத்தும் பணிகளை துரிதப்படுத்துவது தொடர்பாகவும், கொரோனா தடுப்பு நடவடிக்கைகள் தொடர்பாகவும் அனைத்து மாவட்ட ஆட்சியர்களுடன் தலைமை செயலாளர் இறையன்பு இன்று ஆலோசனை மேற்கொண்டார்.

இந்த நிலையில், பல்வேறு தரப்பிடமிருந்து வரும் கருத்துக்களை வைத்து செப்டம்பர் 1 முதல் பள்ளிகள், கல்லூரிகளை திறக்கலாமா? என்பது குறித்து தமிழக முதல்வர் ஆலோசனை நடத்தி வருவதாக தகவல்கள் வெளியாயின. இதற்கிடையில், செப்டம்பர் 1 முதல் பள்ளி, கல்லூரி மாணவர்கள் இலவச பஸ் பாஸ் இல்லாமலேயே பேருந்துகளில் பயணிக்கலாம் என்று போக்குவரத்து துறை அமைச்சர் ராஜகண்ணப்பன் அறிவித்துள்ளார்.

அது தொடர்பாக வெளியான செய்திக்குறிப்பில் கூறியுள்ளதாவது, ''கொரோனா தொற்று ஊரடங்கு காரணமாக இதுநாள்வரை பள்ளி கல்லூரிகள் திறக்கப்படாத நிலையில், தமிழக அரசு அறிவித்த கொரோனா ஊரடங்கு தளர்வு மற்றும் அரசு வழிகாட்டுதல் நெறிமுறைகளின் அடிப்படையில் பள்ளி மற்றும் அரசு கல்லூரிகளில் வரும் செப்டம்பர் 1-ம் தேதி முதல் திறக்கப்பட உள்ளது.

எனவே, 2021-22 கல்வியாண்டில் மாணவர், மாணவியர்களுக்கான கட்டணமில்லா பேருந்து பயண அட்டை அனைத்து போக்குவரத்துக் கழகங்களால் வழங்கப்படும் வரை அரசு பேருந்துகளில் பள்ளி மாணவ மாணவியர்கள் சீருடை அல்லது பள்ளிகளில் வழங்கப்பட்ட புகைப்படத்துடன் கூடிய அடையாள அட்டையை நடத்துனர்கள் இடம் காண்பித்து தத்தம் இருப்பிடத்திலிருந்து பயிலும் பள்ளி வரை சென்று வர கட்டணமின்றி பயணிக்க அனுமதி அளிக்கப்படுகிறது என்பதை தெரிவித்துக்கொள்கிறோம்.

அதேபோல அரசு கல்லூரி அரசு, பல்தொழில்நுட்பக் கல்லூரி, அரசு தொழிற்பயிற்சி நிலையங்களில் பயிலும் மாணவ/ மாணவியர்கள் தங்களது கல்வி நிறுவனத்தால் வழங்கிய புகைப்படத்துடன் கூடிய அடையாள அட்டையை நடத்துனரிடம் காண்பித்து தத்தம் இருப்பிடத்திலிருந்து பயிலும் கல்வ ி நிறுவனம் வரை சென்று வர கட்டணம் இன்றி பயணிக்க அனுமதி அளிக்கப்படுகிறது என்பதை தெரிவித்துக் கொள்கிறோம்.

என இவ்வாறு அதில் தெரிவிக்கப்பட்டுள்ளது.