தமிழக அரசுக்கு இப்படியொரு கோரிக்கை; சிக்னல் கொடுப்பாரா முதல்வர் ஸ்டாலின்?

தமிழக அரசுக்கு இப்படியொரு கோரிக்கை; சிக்னல் கொடுப்பாரா முதல்வர் ஸ்டாலின்?

எஸ்.டி.பி.ஐ கட்சி வெளியிட்டுள்ள அறிக்கையில், தமிழக சட்டசபை நிகழ்வுகளை நேரடி ஒளிபரப்பு செய்ய வேண்டும் என்ற கோரிக்கை ஒவ்வொரு ஆட்சியின் போது ஆளும் அரசுக்கு முன்வைக்கப்பட்டு வருகின்றது. ஆனால், அந்த கோரிக்கைக்கு எந்த அரசும் இதுவரை செவிசாய்க்கவில்லை. அண்டை மாநிலங்களான கேரளா, ஆந்திரா, கர்நாடகாவில் சட்டசபை நிகழ்வுகள் நேரடி ஒளிபரப்பு செய்யப்படும் பொழுது தமிழகத்தில் மட்டும் தொடர்ந்து மறுக்கப்பட்டு வருகின்றது.

எம்.எல்.ஏக்கள் என்ன செய்கிறார்கள்?

சட்டசபை நடக்கும்போது, ஆளுங்கட்சிக்குச் சாதகமான, தேர்ந்தெடுத்த காட்சிகள் மட்டும் ஊடகங்களுக்கு வழங்கப்பட்டு வருகின்றது. இதனால் தாங்கள் தேர்ந்தெடுத்து அனுப்பிய எம்.எல்.ஏக்கள் சட்டமன்றத்தில் தங்கள் தொகுதியின் மக்கள் பிரச்சினைகள், மக்களின் கோரிக்கைகள் குறித்து பேசுகிறார்களா என்பது வாக்களித்த மக்களுக்கு தெரியவில்லை.

நேரலை எப்போது?

தற்போது சட்டமன்றத்தில் துறை வாரியான மானியக் கோரிக்கை விவாதங்கள் நடைபெற்று வரும் நிலையில், திமுக அரசு தனது தேர்தல் வாக்குறுதியில் கூறியபடி சட்டமன்ற நிகழ்வுகளை இன்னும் நேரடி ஒளிபரப்பு செய்யவில்லை. ஆகவே தேர்தல் வாக்குறுதிப்படி திமுக அரசு அதுதொடர்பாக உடனடி நடவடிக்கை எடுக்க வேண்டும். கடந்த 2012-ல் இது சம்பந்தமாக தொடரப்பட்ட பொதுநல வழக்கில்,

தமிழக அரசுக்கு கோரிக்கை

அப்போதைய அதிமுக அரசு, அரசின் நிதி பற்றாக்குறை மற்றும் செலவை சுட்டிக் காட்டி மறுப்பு தெரிவித்தது. தற்போதைய தொழில்நுட்ப வளர்ச்சி மூலம் எந்த ஒரு நிகழ்வையும் நேரடி ஒளிபரப்பு செய்ய மிகப்பெரும் செலவீனம் ஆவதில்லை. இணையம் வாயிலாகவே அதனை மேற்கொள்ள முடியும்.

தூர்தர்ஷன் பொதிக ை தொலைக்காட்சி வாயிலாகவும் நேரடி ஒளிபரப்பு செய்ய நடவடிக்கை எடுக்கலாம். ஆகவே இனிமேலும் அற்ப காரணங்களை காரணம் காட்டி காலம் தாழ்த்தாமல் ஜனநாயகத்தை வலிமைப்படுத்த உடனடியாக சட்டசபை நிகழ்வுகளை நேரடி ஒளிபரப்பு செய்ய வேண்டும் என்று தமிழக அரசுக்கு வலியுறுத்தப்பட்டுள்ளது.