11ஆம் வகுப்பு தேர்வுகள் நிறுத்தம்: அதிரடி உத்தரவு! - TAMIL BOOKS FREE PDF

tamil books and story reading portal

Post Top Ad

Friday, September 3, 2021

11ஆம் வகுப்பு தேர்வுகள் நிறுத்தம்: அதிரடி உத்தரவு!

11ஆம் வகுப்பு தேர்வுகள் நிறுத்தம்: அதிரடி உத்தரவு!


கொரோனா வைரஸ் தொற்றின் இரண்டாவது அலையின் தாக்கம் பல்வேறு மாநிலங்களில் குறைந்து வருகிறது. ஆனால் நாட்டின் பிற பகுதிகளைக் காட்டிலும் அண்டை மாநிலமான கேரளாவில் கொரோனாவால் பாதிக்கப்படுபவர்களின் எண்ணிக்கை அதிகமாக உள்ளது. நாட்டில் பதிவாகும் ஒட்டு மொத்த கொரோனா பாதிப்புகளில், சுமார் 60 சதவீதம் கேரள மாநிலத்தில் பதிவாகி வருகின்றன.

இதுவரை 41 லட்சம் பேர் அம்மாநிலத்தில் கொரோனாவால் பாதிக்கப்பட்டுள்ளனர். கடந்த 24 மணி நேரத்தில் 32 ஆயிரம் பேருக்கு புதிதாக பாதிப்பு ஏற்பட்டுள்ளது. கேரளாவில் அதிகரித்துவரும் தொற்றை ஆய்வு செய்த மத்திய சுகாதாரக் குழுவினர் தேவையான இடங்களில் மீண்டும் ஊரடங்கை அமல்படுத்த பரிந்துரைத்துள்ளனர். கேரளாவில் தொற்று அதிகரித்து வருவதால் அண்டை மாநிலங்களான தமிழ்நாடு உள்ளிட்ட மாநிலங்களிலும் பாதுகாப்பு ஏற்பாடுகள் தீவிரப்படுத்தப்பட்டுள்ளன.

இந்த நிலையில், கேரளாவில் வருகிற 6ஆம் தேதி 11ஆம் வகுப்பு தேர்வு நடைபெறவுள்ளது. மாணவர்கள் நேரடியாகப் பள்ளிக்கு வந்து தேர்வு எழுத அறிவுறுத்தப்பட்டிருந்தனர். இதனால், பாதிப்பு அதிகரிக்க வாய்ப்பிருப்பதாக கூறி, தேர்வுகளை நிறுத்த உத்தரவிட கோரி பொது நல மணு ஒன்று அம்மாநில உயர் நீதிமன்றத்தில் தாக்கல் செய்யப்பட்டது.

இந்த மனுவை விசாரித்த உயர் நீதிமன்றம் அரசின் உத்தரவில் தலையிடமுடியாது எனத் தெரிவித்து விட்டது. இதனை எதிர்த்து தொடரப்பட்ட மேல்முறையீட்டு மனுவை விசாரித்த உச்ச நீதிமன்றம், 11ஆம் வகுப்பு தேர்வுகளை ஒரு வாரத்துக்கு நிறுத்தி வைக்க உத்தரவிட்டுள்ளது.

No comments:

Post a Comment

Post Top Ad