திட்டமிட்டபடி செப். 12ல் நீட் தேர்வு: உச்ச நீதிமன்றம் அதிரடி!
வரும் செப்டம்பர் மாதம் 12ம் தேதி நடைபெற உள்ள நீட் தேர்வை ஒத்தி வைக்கக் கோரி தொடரப்பட்ட வழக்குகளை, உச்ச நீதிமன்றம் தள்ளுபடி செய்து உத்தரவிட்டு உள்ளது.
இளநிலை மருத்துவ (எம்.பி.பி.எஸ்., பி.டி.எஸ்.,) படிப்புகளுக்கான தேசிய நுழைவு மற்றும் தகுதித் தேர்வு (நீட் 2021) வரும் செப்டம்பா் மாதம் 12 ஆம் தேதி நடத்தப்படும் என மத்திய கல்வித் துறை அமைச்சா் தா்மேந்திர பிரதான் அறிவித்திருந்தார்.
அதன்படி, கடந்த ஜூலை மாதம் 13ம் தேதி மாலை 5 முதல் விண்ணப்பிக்கும் பணிகள் தொடங்கி, ஆகஸ்ட் மாதம் 14ம் தேதி வரை அவகாசம் அளிக்கப்பட்டது. இதற்கிடையே, மற்ற படிப்புகளுக்கான நுழைவுத் தேர்வும் செப்டம்பர் மாதம் 12ம் தேதியே நடைபெறுவதால், நீட் தேர்வை ஒத்தி வைக்கக் கோரி சிலர் உச்ச நீதிமன்றத்தில் வழக்கு தொடர்ந்திருந்தனர்.
இந்நிலையில், இந்த வழக்குகள் உச்ச நீதிமன்றத்தில் இன்று விசாரணைக்கு வந்தன. வழக்குகளை விசாரித்த உச்ச நீதிமன்ற நீதிபதிகள் ஏ.எம்.கன்வில்கர், ஹ்ரிஷிகேஷ் ராய் மற்றும் சி.டி.ரவிகுமார் ஆகியோர் அடங்கிய அமர்வு, ஒரு சிலர் கேட்கிறார்கள் என்பதற்காக, 16 லட்சம் பேர் எழுதும் நுழைவுத் தேர்வை ஒத்தி வைக்க இயலாது. இந்த வழக்குகளை ஏற்றுக் கொள்ள மாட்டோம். திட்டமிட்டபடி செப்டம்பர் மாதம் 12ம் தேதி நீட் தேர்வு நடைபெறும் என்றுக் கூறி, வழக்குகளை தள்ளுபடி செய்து உத்தரவிட்டு உள்ளனர்.
No comments:
Post a Comment