இந்துக்களை மசூதிக்கும், சர்ச்சுக்கும் திமுக விரட்டி அடிக்கிறது: எச். ராஜா பொளேர்

இந்துக்களை மசூதிக்கும், சர்ச்சுக்கும் திமுக விரட்டி அடிக்கிறது: எச். ராஜா பொளேர்

தமிழகத்தில் தளர்வுகளுடன் கூடிய ஊரடங்கு அக்டோபர் 31ம் தேதி வரை நீட்டிக்கப்டுவதாக கடந்த 9ஆம் முதல்வர் ஸ்டாலின் அறிவித்தார். மேலும், கொரோனா நோய்த் தடுப்பு நடவடிக்கைகளை தீவிரப்படுத்த, திருவிழாக்கள், அரசியல், சமூகம் மற்றும் மதம் சார்ந்த கூட்டங்களுக்கு ஏற்கனவே விதிக்கப்பட்டுள்ள தடை அக்டோபர் 31-வரை நீட்டிக்கப்படுவதாகவும் தமிழக அரசு உத்தரவிட்டது.

அத்துடன், வெள்ளி , சனி, ஞாயிறுகளில் கோயிலில் பக்தர்களுக்கு அனுமதியில்லை என்ற நிலையே தொடரும் எனவும் குறிப்பிட்டிருந்தது. இதற்கு இந்து அமைப்பைச் சார்ந்தவர்கள் எதிர்வினையாற்றி வருகின்றனர். இதற்கு மத்தியில் இன்று செய்தியாளர்களை சந்தித்த பாஜகவை சேர்ந்த எச். ராஜா தமிழக அரசை கண்டித்து ஆவேசமாக பேசினார்.

அவர் பேசியதாவது '' இதுவரை அரசு எடுத்துள்ள கோயில்களை ஒழுங்காக பராமரிக்க முடியவில்லை. இந்நிலையில் புதிய கோயில்களில் அரசு கை வைக்க கூடாது. இந்து கோயில்களை தொடுவதைப்போல சர்ச்சுகளையும், மசூதிகளையும் தொடுவார்களா? இந்துக்கள் என்ன இளக்காரமா? அவன் கோயிலை எடுத்து அழிப்பீர்களா? முஸ்லிம் படையெடுப்பில் அழிக்கப்பட்ட கோயில்களை காட்டிலும் இந்த நாத்திக திராவிட ஆட்சியில் அழிக்கப்பட்டுள்ள கோயில்களின் எண்ணிக்கை அதிகம் என கூறிய எச். ராஜா வெள்ளி, சனி ஞாயிறுகளில் கோவில்களை பூட்டுவதுபோல் மசூதிக்களையும், சர்ச்களையும் மூட தமிழக அரசுக்கு துணிச்சல் உள்ளதா என கேள்வி எழுப்பினார்.

தொடர்ந்து பேசியவர், வெள்ளி, சனி ஞாயிறுகளில் கோவில்களை மூடிவிட்டு அந்த நாட்களில் இந்துக்களை மசூதிக்கும், சர்ச்சுகளுக்கும் விரட்டுவதற்கான தீய செயல் இது'' என இவ்வாறு பேசினார்.